ಚುರುಮುರಿ | ಏಕ್‌ ಮೇರಾ ಏಕ್‌ ತೇರಾ!

‘ಆಯಿಯೆ... ಆಯಿಯೆ... ಬೈಟಿಯೆ...’ ಶುದ್ಧ ಹಿಂದಿಯಲ್ಲಿ ಆದರದಿಂದ ಸ್ವಾಗತಿಸಿದರು ಉತ್ತರ ಪ್ರದೇಶದ ಎಂಪಿ.

. ‘ಈ ಉರಿ ಬಿಸಿಲಲ್ಲೂ ನಿಮ್ಮ ಮಧುರ ಮಾತು ಕೇಳಿ ಮನದುಂಬಿ ಬಂತು. ಶುಕ್ರಿಯಾ... ಶುಕ್ರಿಯಾ’ ಎಂದು ಹಿರಿಹಿರಿ ಹಿಗ್ಗುತ್ತಾ ಬಂದು ಕೂತರು ಕರ್ನಾಟಕದ ಸಂಸದ.

. ಉತ್ತರದ ಸಂಸದ ಹಿಂದಿಯಲ್ಲೇ ಮಾತು ಮುಂದುವರಿಸಿದರೆ, ಕರ್ನಾಟಕದ ಎಂಪಿ ತಿಣುಕಾಡುತ್ತಾ ಅರ್ಧ ಕನ್ನಡ, ಅರ್ಧ ಹಿಂದಿಯಲ್ಲಿ ಮಾತಾಡತೊಡಗಿದರು.

. ‘ಇನ್ನೇನು, ಲೋಕಸಭಾ ಕ್ಷೇತ್ರಗಳ ಮರುವಿಂಗಡಣೆ ಶುರುವಾಗುತ್ತೆ, ನಿಮ್ಮ ಕರ್ನಾಟಕದ ಸಂಸದರ ಸಂಖ್ಯೆ 28ರಿಂದ 40ಕ್ಕೆ ಏರಬಹುದು. ಆಪ್ ಕೊ ಬಹುತ್ ಖುಷ್ ಹೈನಾ...?’

. ‘ಹಾಂ ಜೀ... ಆದರೆ, ನಾರ್ತ್ ಇಂಡಿಯಾ, ಅಂದ್ರೆ ಈ ಹಿಂದಿ ಬೆಲ್ಟ್ನವರ ಸಂಖ್ಯೆ 76 ಪರ್ಸೆಂಟ್ ಜಾಸ್ತಿ ಆದ್ರೆ, ಸೌಥ್ನವರದು ಶೇ 30ರ ಆಸುಪಾಸು ಅಷ್ಟೇ ಜಾಸ್ತಿ ಆಗುತ್ತಲ್ವ?’ ಧೈರ್ಯ ಮಾಡಿ ಕೇಳಿದರು ಕನ್ನಡದ ಎಂಪಿ!

. ‘ಓ ಐಸಾ ನಹಿ ಹೇ ಜೀ... ನಿಮಗೆ ಸರಿಯಾಗಿ ವಿವರಿಸ್ತೀನಿ ದೇಖೀಯೇ’ ಎಂದವರೆ, ಜನಸಂಖ್ಯೆ ಆಧಾರದಲ್ಲಿ ದೇಶವನ್ನು 9 ಭಾಗ ಮಾಡಿ ಹೇಳತೊಡಗಿದರು, ‘ಏಕ್ ತೇರಾ, ಏಕ್ ಮೇರಾ, ದೋ ತೇರಾ, ದೋ ಮೇರಾ, ತೀನ್ ತೇರಾ, ತೀನ್ ಮೇರಾ... ಬರಾಬರ್, ನೋ ಚೀಟಿಂಗ್...?’ ಎಂದು ತೋರಿಸಿದರು. 6 ಭಾಗ ನಾರ್ತ್ ಇಂಡಿಯಾ ಕಡೆಗಿದ್ದರೆ, 3 ಭಾಗ ದಕ್ಷಿಣ ಭಾರತದ ಕಡೆಗಿತ್ತು.

. ‘ಬರಾಬರ್, ಬರಾಬರ್...’ ಎಂದು ತಲೆಯಾಡಿಸುತ್ತಾ ಎದ್ದರು ಹೆಮ್ಮೆಯ ಕನ್ನಡಿಗ!

. ‘ಡೌಟ್ ಹೇಯ್ ತೊ ಆಪ್ ಕೆ ಹೈಕಮಾಂಡ್ ಕೊ ಪೂಛಿಯೇ...’

. ‘ಅಯ್ಯೋ ಹೈಕಮಾಂಡ್ ಮುಂದೆ ಬಾಯಿ ಬಿಡೋದಾ? ಉಚ್ಚಾಟನೆ ಮಾಡಿಬಿಡ್ತಾರೆ... ಆಪ್ ಕಾ ಬರಾಬರ್ ಹೈ, ಬರಾಬರ್ ಹೈ, ನೋ ಚೀಟಿಂಗ್, ನೋ ಚೀಟಿಂಗ್’ ಎನ್ನುತ್ತಾ ಖುಷಿಯಿಂದ ಹೊರಟರು ಕರ್ನಾಟಕದ ಎಂಪಿ!

.ಎಷ್ಟೇ ಪುಂಗಿ ಊದಿದರೂ ಕಾಂಗ್ರೆಸ್ ಗೆಲ್ಲಲ್ಲ: ವಿಜಯೇಂದ್ರ.ಲವ್ ಜಿಹಾದ್ ಹಿಂದೆ ಕಾಂಗ್ರೆಸ್: ಬಸವರಾಜ ಕ್ಯಾವಟರ್ ಆರೋಪ.ಮತಗಳ್ಳತನ: ಬಿಜೆಪಿ, ಟಿಎಂಸಿ ವಿರುದ್ಧ ರಾಹುಲ್ ಗಾಂಧಿ ವಾಗ್ದಾಳಿ.ಕೊನೆ ಉಸಿರು ಇರುವವರೆಗೂ ಬಾಬಾಸಾಹೇಬರ ಆದರ್ಶ ರಕ್ಷಿಸಲು ಹೋರಾಡುತ್ತೇನೆ: ರಾಹುಲ್. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.