ಚುರುಮುರಿ: ವರ್ಷ ಆರು, ದೇವರು ನೂರಾರು!

c‘ಥೋತ್ತೇರಿಕೆ...’ ಎಂದ ಗುಡ್ಡೆ.

. ‘ಯಾಕೋ, ಏನಾತು?’ ದುಬ್ಬೀರ ಕೇಳಿದ.

. ‘ಅಮೆರಿಕದೋರು ಭಾರತದೋರನ್ನ ‘ಡ್ರಾಮಾ ಮಾಸ್ಟರ್ಸ್’ ಅಂತ ಕರೆದ್ರಂತಪ...’

. ‘ನೋ... ನಾವು ಮಾಸ್ಟರಲ್ಲ, ಆ್ಯಕ್ಟರು. ಅವರು ಹೇಳಿದಂಗೆ ಕುಣೀತಿಲ್ವಾ?’

. ‘ನಾವೇನ್ ಕುಣೀತಿಲ್ಲ, ನಾವು ವಿಶ್ವಕ್ಕೇ ಗುರು, ನಮ್ಮದು ಆತ್ಮ ನಿರ್ಭರ್ ದೇಶ...’ ಮಂಜಮ್ಮ ವಾದಿಸಿದಳು.

. ‘ನಿರ್ಭರೋ ಬರ್ಬರೋ... ಹೋಗ್ಲಿ ಎಲ್ರಿಗೂ ಚಾ ಹಾಕು...’

. ‘ಗ್ಯಾಸ್ ಖಾಲಿ, ಕಟ್ಟಿಗೆ ತರ್ಬೇಕು...’

. ‘ಅದೆಲ್ಲ ಗೊತ್ತಿಲ್ಲ, ಚಾ ಬೇಕು ಅಷ್ಟೇ...’ ಗುಡ್ಡೆ ರಾಂಗಾದ.

. ‘ಈ ಗಾಂಚಾಲಿ ಎಲ್ಲ ನನ್ನತ್ರ ನಡೆಯಲ್ಲ...’ ಮಂಜಮ್ಮಗೂ ಸಿಟ್ಟು ಬಂತು.

. ‘ಬಿಡು ಮಂಜಮ್ಮ, ಲೇ ತೆಪರ, ಮೊನ್ನೆ ಡಿಕೆಶಿ ಸಾಹೇಬ್ರ ಪಾರ್ಟಿ ಹೆಂಗಾತೋ?’ ದುಬ್ಬೀರ ಮಾತು ಬದಲಿಸಿದ.

. ‘ಸಿಎಂ ಸಾಹೇಬ್ರು ಡಿಕೆಶಿ ಅವರನ್ನ ಯದ್ವಾ ತದ್ವಾ ಹೊಗಳಿಬಿಟ್ರಪ... ಮುಂದೆ ಡಿಕೆಶಿಗೆ ಒಳ್ಳೆ ರಾಜಕೀಯ ಭವಿಷ್ಯ ಐತೆ ಅಂದ್ರು...’

. ‘ಅಂದ್ರೆ ಈಗಿಲ್ವಂತಾ? ಹೋಗ್ಲಿ ಡಿಕೆಶಿ ಆರು ವರ್ಷದ ಸಾಧನೇನ ಏನಂತ ಕರೀಬೋದು?’

. ‘ವರ್ಷ ಆರು, ದೇವರು ನೂರಾರು..!’

. ‘ನೂರಾರಲ್ಲ, ಸಾವಿರಾರು... ಅದಿರ್ಲಿ, ಮಂಜಮ್ಮಂಗೆ ಗ್ಯಾಸ್ ಯಾವಾಗ ಸಿಗುತ್ತೆ ನಮ್ ನಮೋ ಸಾಹೇಬ್ರಿಗೆ ಒಂದು ಫೋನ್ ಹಚ್ಚು...’

. ‘ಆಗ್ಲೆ ಹಚ್ಚಿದ್ದೆ ಕಣಲೆ, ಟ್ರಂಪ್ ಕೇಳಿ ಹೇಳ್ತಾರಂತೆ...’

. ‘ಥೋತ್ತೇರಿ... ಒಂದು ಚಾ ಕುಡಿಯಾಕೂ ಟ್ರಂಪ್ ಕೇಳಂಗಾತಲ್ಲಪಾ...’ ಗುಡ್ಡೆ ನಕ್ಕ.

. ‘ಇದೆಲ್ಲ ನಾಟಕ ಸಾಕು, ಎದ್ದು ನಡೀರಿ ಅತ್ಲಾಗೆ...’ ಮಂಜಮ್ಮ ಮಸಿ ಬಟ್ಟೆ ಕೊಡವಿದಳು.

. ‘ಯಾಕೋ ಚಾ ಇಲ್ಲದೆ ಖಾಲಿ ಚಾ ಕಪ್ಪಲ್ಲಿ ಬಿರುಗಾಳಿ ಏಳಂಗೆ ಕಾಣ್ಸುತ್ತೆ... ಲೇ ತೆಪರ, ಬೇರೆ ಏನೋ ಸಮಾಚಾರ?’ ಎಂದ ಗುಡ್ಡೆ.

. ‘ಗ್ಯಾಸ್ ಜತಿಗೆ ಇನ್ಮುಂದೆ ಇಂಟರ್ ನೆಟ್ಟೂ ಬಂದ್ ಆಗುತ್ತಂತೆ... ಡೇಟಾ ಸಿಗಲ್ಲಂತೆ...’

. ‘ಹೌದಾ? ನಮ್ಗೆ ಊಟ ಇಲ್ಲದಿದ್ರೂ ಚಿಂತಿಲ್ಲ, ಡೇಟಾ ಬೇಕೇ ಬೇಕು’ ಎಂದ ಗುಡ್ಡೆ.

. ಎಲ್ಲರೂ ಗೊಳ್ಳಂತ ನಕ್ಕರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.