ಚುರುಮುರಿ: ಯಾವ ಕಪ್‌ ಯಾರ ಕೈಗೆ?

‘ಅಬ್ಬಾ! ಎರಡು ದೊಡ್ಡಾನೆಗಳು ಸೇರಿದ್ರೆ ಎಂಥಾ ದೊಡ್ಡ ಮರಾನೂ ಮಕಾಡೆ ಮಲಗಿಸಿ, ಹೊತ್ತೊಯ್ಯತಾವೆ!’ ಎನ್ನುತ್ತ ಬೆಕ್ಕಣ್ಣ ಮೂಗಿನ ಮೇಲೆ ಬೆರಳಿಟ್ಟಿತು.

. ‘ಯಾವ ದೊಡ್ಡಾನೆಗಳು? ಯಾವ ಮರ?’ ನಾನು ಕುತೂಹಲದಿಂದ ಕೇಳಿದೆ.

. ‘ಥೋ... ನೀ ಸುದ್ದೀನೆ ಓದಂಗಿಲ್ಲ. ನಾನು ಮೋದಿ ಸೇರಿದ್ರೆ ಎಂಥಾ ಘನಂದಾರಿ ಕೆಲಸಾನೂ ಮಾಡಿ ಮುಗಿಸತೇವು ಅಂತ ಟ್ರಂಪಣ್ಣ ಹೇಳ್ಯಾನೆ. ಇಬ್ಬರೂ ಸೇರಿ ಯುದ್ಧ ನಿಲ್ಲಿಸತಾರೆ. ಈ ಸಲ ನೊಬೆಲ್ ಶಾಂತಿ ಕಪ್ ಇಬ್ಬರಿಗೂ ಸೇರಿ ಕೊಡಬೌದು’ ಹೆಮ್ಮೆಯಿಂದ ಹೇಳಿತು.

. ‘ಕೊಲ್ಲಿ ಯುದ್ಧ ಬಗೆಹರಿಸಕ್ಕೆ ಪಾಕ್ ಮಧ್ಯಸ್ಥಿಕೆಯಲ್ಲಿ ಸಭೆ ಮಾಡ್ತಾರಂತೆ. ಶಾಂತಿ ಕಪ್ ಪಾಕಿಸ್ತಾನಕ್ಕೆ ಕೊಟ್ಟರೂ ಕೊಡಬೌದು’ ಅಂತ ಇನ್ನೊಂದು ಸುದ್ದಿ ತೋರಿಸಿದೆ.

. ‘ಆ ಮಾತುಕತಿವಳಗೆ ಟ್ರಂಪಣ್ಣನೂ ಇಲ್ಲ, ಇಸ್ರೇಲೂ ಇಲ್ಲ... ಇರಾನೂ ಇಲ್ಲ. ಯುದ್ಧ ಮಾಡ್ತಾ ಇರೋರನ್ನೇ ಬಿಟ್ಟು, ಅಕ್ಕಪಕ್ಕದೋರನ್ನ ಸೇರಿಸ್ಕಂಡು ಅವರೇನು ಮಧ್ಯಸ್ಥಿಕೆ ಮಾಡತಾರೆ?’ ಬೆಕ್ಕಣ್ಣ ಉಡಾಫೆಯಿಂದ ಹೇಳಿತು.

. ‘ಟ್ರಂಪಣ್ಣ, ಮೋದಿಮಾಮಾರು ಫೋನಿನಾಗೆ ಮಾತಾಡೂವಾಗ ಇಲಾನ್ ಮಸ್ಕಣ್ಣನೂ ಇದ್ದನಂತ. ಹಂಗಾರೆ ಕಪ್ ಮೂರು ಜನರಿಗೆ ಹಂಚತಾರೇನೋ!’ ನಾನು ರಾಗವೆಳೆದೆ.

. ‘ಎಲ್ಲಾ ಬರೇ ಗಾಳಿಸುದ್ದಿ. ಟ್ರಂಪಣ್ಣ–ಮೋದಿಮಾಮಾ ಇಬ್ಬರೇ ಮಾತಾಡ್ಯಾರೆ’ ಬೆಕ್ಕಣ್ಣ ಗುರುಗುಟ್ಟಿತು.

. ‘ಆ ಕಪ್ ಸುದ್ದಿ ಬಿಡೂಣು. ನಮ್ಮಲ್ಲಿ ಉಪಚುನಾವಣೆಗಳಲ್ಲಿ ಮತದಾರಪ್ರಭು ಯಾರ ಕೈಗೆ ಕಪ್ ಕೊಡ್ತಾನೋ ನೋಡೂಣು’ ಎಂದು ಮಾತು ಬದಲಿಸಿದೆ.

. ‘ಇಲ್ಲಿ ಕಪ್ ಯಾರಿಗೆ ಸಿಗತೈತೋ ಗೊತ್ತಿಲ್ಲ. ಆದ್ರ ಅಸ್ಸಾಂ ವಳಗೆ ಮಾತ್ರ ‘ಮಿಯಾ’ಗಳ ಬೆನ್ನುಮೂಳೆ ಮುರೀತೀನಿ ಅಂತ ಅಲ್ಲಿ ಸಿಎಮ್ಮು ಹಿಮಂತಣ್ಣ ಗುಡುಗ್ಯಾನೆ. ಅಲ್ಲಿ ಕಪ್ ಈ ಸಲನೂ ಕಮಲಕ್ಕನ ಮನಿಯವ್ರಿದ್ದೇ!’ ಬೆಕ್ಕಣ್ಣ ವಾದಿಸಿತು.

. ‘ಐಪಿಎಲ್ ಕಪ್ ಈ ಸಲನೂ ಆರ್ಸಿಬಿಗೇ ಸಿಗಬೌದಾ?’

. ‘ಅದನ್ನು ಪಿಚ್ ಅನ್ನೋ ಅದೃಷ್ಟದೇವತೆ ನಿರ್ಧರಿಸತಾಳೆ!’ ಎಂದು ಬೆಕ್ಕಣ್ಣ ಮುಸಿಮುಸಿ ನಕ್ಕಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ: ಯಾವ ಕಪ್‌ ಯಾರ ಕೈಗೆ?

ಚಿನಕುರುಳಿ ಕಾರ್ಟೂನು: 08 ಮೇ 2026

ಸುದ್ದಿ ಗುದ್ದು | ತಿಂಗಳೇಶ: ಶುಕ್ರವಾರ, 08 ಮೇ 2026

ರಾಜೀನಾಮೆ ಕೊಡದೆ ಮಮತಾ ಹಠ: ಪಶ್ಚಿಮ ಬಂಗಾಳ ವಿಧಾನಸಭೆ ವಿಸರ್ಜಿಸಿದ ರಾಜ್ಯಪಾಲರು

ಚುರುಮುರಿ: ಸಾಲದ ಸಿಎಂ!

IPL 2026: ಡೆಲ್ಲಿ ವಿರುದ್ಧ ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ದುಕೊಂಡ ಕೆಕೆಆರ್

IPL: ಹನಿಟ್ರ್ಯಾಪ್ ಆತಂಕ; ಆಟಗಾರರ ಕೊಠಡಿಗೆ ಅನಧಿಕೃತ ಪ್ರವೇಶ ನಿಷೇಧಿಸಿದ ಬಿಸಿಸಿಐ

10000 ಟಿಕೆಟ್! ಕೆಎಸ್‌ಸಿಎ, ರಾಜ್ಯ ಸರ್ಕಾರದ ವಿರುದ್ಧ ನಿಖಿಲ್ ಕುಮಾರಸ್ವಾಮಿ ಕಿಡಿ

ವಿಕೆಟ್ ಪಡೆಯುವುದು ಹೇಗೆಂದು ಕೊಹ್ಲಿಯೇ ಹೇಳಿಕೊಟ್ಟಿದ್ದರು: ಪ್ರಿನ್ಸ್ ಯಾದವ್‌

ಒಳನೋಟ | ಗೋವಾದಂತೆ ಮಂಗಳೂರು ಬೀಚ್‌ ಪ್ರವಾಸೋದ್ಯಮಕ್ಕೂ ʼಜೀವʼ ತುಂಬಬೇಕಿದೆ..

ಒಳನೋಟ: ಬೇಕು ತಾಲ್ಲೂಕು ಆಸ್ಪತ್ರೆಗೆ ‘ಚಿಕಿತ್ಸೆ’

ಒಳನೋಟ: ಮೃಗಾಲಯದಲ್ಲಿ ಮೂಕರೋದನ

ಒಳನೋಟ: ಗಿಗ್‌ ಕಾರ್ಮಿಕರದ್ದು ಬಗೆದಷ್ಟೂ ಬವಣೆ

ಚಿನಕುರುಳಿ ಕಾರ್ಟೂನು: 08 ಮೇ 2026

ಸುದ್ದಿ ಗುದ್ದು | ತಿಂಗಳೇಶ: ಶುಕ್ರವಾರ, 08 ಮೇ 2026

ರಾಜೀನಾಮೆ ಕೊಡದೆ ಮಮತಾ ಹಠ: ಪಶ್ಚಿಮ ಬಂಗಾಳ ವಿಧಾನಸಭೆ ವಿಸರ್ಜಿಸಿದ ರಾಜ್ಯಪಾಲರು

ಚುರುಮುರಿ: ಸಾಲದ ಸಿಎಂ!