<p>ತಿಂಗಳ ಸಾಮಾನು ಪಟ್ಟಿಯಲ್ಲಿ ಕೊನೇ ಐಟಂ ಗಂಡನ ಶೇವಿಂಗ್ ಬ್ಲೇಡ್. ಹಾಗೇ, ಬಟ್ಟೆ ಖರೀದಿ ವೇಳೆ ಕೊನೆಯ ಖರೀದಿ ಗಂಡನ ಪಂಚೆ!</p>.<p>ಸೀರೆ ಆಯ್ಕೆ ಮುಗಿಸಿ ನಿರಾಳಗೊಂಡ ಸುಮಿ, ‘ದೇವೇಗೌಡರ ಬ್ರ್ಯಾಂಡ್, ಸಿದ್ದರಾಮಯ್ಯನವರ ಬ್ರ್ಯಾಂಡಿನ ಪಂಚೆಗಳನ್ನು ತೋರಿಸಿ’ ಎಂದಳು. ಅಂಗಡಿಯವನು ನಕ್ಕು, ಪಂಚೆ ಕಟ್ಟುಗಳನ್ನು ಹರಡಿ, ‘ಡಜನ್ ಪಂಚೆ ಕೊಳ್ಳಿ ಸಾರ್ ಹಬ್ಬಕ್ಕೆ ಬೇಕಾಗುತ್ತೆ, ಸಿದ್ದರಾಮಯ್ಯ 90 ಜೊತೆ ಬಟ್ಟೆಗಳನ್ನು ಕೊಂಡಿದ್ದಾರಂತೆ’ ಅಂದ.</p>.<p>‘ಸಿದ್ದರಾಮಯ್ಯ, ಮಾಧುಸ್ವಾಮಿ, ರೇವಣ್ಣ ಅವರಂಥಾ ಪಂಚೆಪಟುಗಳಿಗೆ ದಿನಾ ಹಬ್ಬ, ನಮಗೆ ಮಾತ್ರ ಕ್ಯಾಲೆಂಡರ್ನ ಕೆಂಪು ಡೇಟಿನಲ್ಲಷ್ಟೇ ಹಬ್ಬ’ ಅಂದ ಶಂಕ್ರಿ.</p>.<p>‘ಸದನದಲ್ಲಿ ಎದುರಾಳಿಗಳನ್ನು ಎದುರಿಸಲು ನಾಯಕರು ಪಂಚೆಯನ್ನು ಎತ್ತಿ ಕಟ್ಟಿಕೊಳ್ಳು<br />ತ್ತಾರಂತೆ. ಅದು ಪಂಚೆಯ ಪವರ್ ಸಾರ್...’</p>.<p>‘ಸದನದಲ್ಲಿ ಅಂಗಿ ಬಿಚ್ಚಿ ತಾಕತ್ತು ಪ್ರದರ್ಶಿಸುವ ಪ್ರಕರಣಗಳು ಜಾಸ್ತಿಯಾಗ್ತಿವೆ’.</p>.<p>‘ಸದನದ ವಿಚಾರ ಬೇಡಬಿಡಿ, ನಮ್ಮ ಸುತ್ತಮುತ್ತ ಪಂಚೆ ಎಳೆಯೋರು ಜಾಸ್ತಿ ಇದ್ದಾರಂತೆ’ ಎಂದಳು ಸುಮಿ.</p>.<p>‘ಕಾಲು ಎಳೆಯಬಹುದು, ಪಂಚೆ ಎಳೆಯುವಂತಿಲ್ಲ ಅಂತ ಕಾನೂನು<br />ಮಾಡಿದರಾಯ್ತು ಬಿಡಿ, ಹಹ್ಹಹ್ಹ...’</p>.<p>‘ದ್ರೌಪದಿಯ ಸೀರೆ ಎಳೆದಾಗ ಶ್ರೀಕೃಷ್ಣ ಮಾನ ಕಾಪಾಡಿದ್ದ, ಈ ಕಾಲಘಟ್ಟದಲ್ಲಿ ಪಂಚೆ ಎಳೆದರೆ ಮಾನ ಕಳೆಯಲು ಜಾಲತಾಣ, ಟಿ.ವಿ ಕ್ಯಾಮೆರಾ ಕಣ್ಣುಗಳು ಕಾದಿರ್ತವೆ’.</p>.<p>‘ಮಾನ ಮುಚ್ಚಲು ಬಟ್ಟೆಗಳು ಬೇಕು. ಹಾಗಂತ, ಹೊಟ್ಟೆಪಾಡಿಗಿಂಥ ಬಟ್ಟೆಪಾಡು ಮುಖ್ಯ ಆಗಬಾರದು’ ಅಂದ ಶಂಕ್ರಿ.</p>.<p>‘ಬಟ್ಟೆಗಳು ಧರಿಸುವವರ ಅಭಿರುಚಿ, ಪರಿಸ್ಥಿತಿಯನ್ನು ಬಿಂಬಿಸುತ್ತವೆ. ಬಟ್ಟೆ ನೋಡಿ ಮಣೆ ಹಾಕುವ ಕಾಲ ಇದು ಸಾರ್’ ಎಂದ ಅಂಗಡಿಯವ.</p>.<p>‘ಸಾಧಾರಣ ಪಂಚೆಯಲ್ಲೇ ಫಾರಿನ್ಗೂ ಹೋಗುವ, ದೇವಸ್ಥಾನಕ್ಕೂ ಹೋಗುವ ದೇವೇ ಗೌಡರ ವ್ಯಕ್ತಿತ್ವಕ್ಕೆ ಬಟ್ಟೆಯಿಂದ ಧಕ್ಕೆ ಆಗಿಲ್ಲ...ಪ್ಯಾಂಟು, ಪಂಚೆಗಿಂಥ ಪಂಚೇಂದ್ರಿಯಗಳನ್ನು ಪರಿಶುದ್ಧವಾಗಿಟ್ಟುಕೊಂಡು ಘನತೆ ಕಾಪಾಡಿ ಕೊಳ್ಳಬೇಕಷ್ಟೇ...’ ಎಂದು ಸುಮಿ ಕೊಂಡ ಬಟ್ಟೆಗಳನ್ನು ಜೋಡಿಸಿಕೊಂಡಳು.</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>
<p>ತಿಂಗಳ ಸಾಮಾನು ಪಟ್ಟಿಯಲ್ಲಿ ಕೊನೇ ಐಟಂ ಗಂಡನ ಶೇವಿಂಗ್ ಬ್ಲೇಡ್. ಹಾಗೇ, ಬಟ್ಟೆ ಖರೀದಿ ವೇಳೆ ಕೊನೆಯ ಖರೀದಿ ಗಂಡನ ಪಂಚೆ!</p>.<p>ಸೀರೆ ಆಯ್ಕೆ ಮುಗಿಸಿ ನಿರಾಳಗೊಂಡ ಸುಮಿ, ‘ದೇವೇಗೌಡರ ಬ್ರ್ಯಾಂಡ್, ಸಿದ್ದರಾಮಯ್ಯನವರ ಬ್ರ್ಯಾಂಡಿನ ಪಂಚೆಗಳನ್ನು ತೋರಿಸಿ’ ಎಂದಳು. ಅಂಗಡಿಯವನು ನಕ್ಕು, ಪಂಚೆ ಕಟ್ಟುಗಳನ್ನು ಹರಡಿ, ‘ಡಜನ್ ಪಂಚೆ ಕೊಳ್ಳಿ ಸಾರ್ ಹಬ್ಬಕ್ಕೆ ಬೇಕಾಗುತ್ತೆ, ಸಿದ್ದರಾಮಯ್ಯ 90 ಜೊತೆ ಬಟ್ಟೆಗಳನ್ನು ಕೊಂಡಿದ್ದಾರಂತೆ’ ಅಂದ.</p>.<p>‘ಸಿದ್ದರಾಮಯ್ಯ, ಮಾಧುಸ್ವಾಮಿ, ರೇವಣ್ಣ ಅವರಂಥಾ ಪಂಚೆಪಟುಗಳಿಗೆ ದಿನಾ ಹಬ್ಬ, ನಮಗೆ ಮಾತ್ರ ಕ್ಯಾಲೆಂಡರ್ನ ಕೆಂಪು ಡೇಟಿನಲ್ಲಷ್ಟೇ ಹಬ್ಬ’ ಅಂದ ಶಂಕ್ರಿ.</p>.<p>‘ಸದನದಲ್ಲಿ ಎದುರಾಳಿಗಳನ್ನು ಎದುರಿಸಲು ನಾಯಕರು ಪಂಚೆಯನ್ನು ಎತ್ತಿ ಕಟ್ಟಿಕೊಳ್ಳು<br />ತ್ತಾರಂತೆ. ಅದು ಪಂಚೆಯ ಪವರ್ ಸಾರ್...’</p>.<p>‘ಸದನದಲ್ಲಿ ಅಂಗಿ ಬಿಚ್ಚಿ ತಾಕತ್ತು ಪ್ರದರ್ಶಿಸುವ ಪ್ರಕರಣಗಳು ಜಾಸ್ತಿಯಾಗ್ತಿವೆ’.</p>.<p>‘ಸದನದ ವಿಚಾರ ಬೇಡಬಿಡಿ, ನಮ್ಮ ಸುತ್ತಮುತ್ತ ಪಂಚೆ ಎಳೆಯೋರು ಜಾಸ್ತಿ ಇದ್ದಾರಂತೆ’ ಎಂದಳು ಸುಮಿ.</p>.<p>‘ಕಾಲು ಎಳೆಯಬಹುದು, ಪಂಚೆ ಎಳೆಯುವಂತಿಲ್ಲ ಅಂತ ಕಾನೂನು<br />ಮಾಡಿದರಾಯ್ತು ಬಿಡಿ, ಹಹ್ಹಹ್ಹ...’</p>.<p>‘ದ್ರೌಪದಿಯ ಸೀರೆ ಎಳೆದಾಗ ಶ್ರೀಕೃಷ್ಣ ಮಾನ ಕಾಪಾಡಿದ್ದ, ಈ ಕಾಲಘಟ್ಟದಲ್ಲಿ ಪಂಚೆ ಎಳೆದರೆ ಮಾನ ಕಳೆಯಲು ಜಾಲತಾಣ, ಟಿ.ವಿ ಕ್ಯಾಮೆರಾ ಕಣ್ಣುಗಳು ಕಾದಿರ್ತವೆ’.</p>.<p>‘ಮಾನ ಮುಚ್ಚಲು ಬಟ್ಟೆಗಳು ಬೇಕು. ಹಾಗಂತ, ಹೊಟ್ಟೆಪಾಡಿಗಿಂಥ ಬಟ್ಟೆಪಾಡು ಮುಖ್ಯ ಆಗಬಾರದು’ ಅಂದ ಶಂಕ್ರಿ.</p>.<p>‘ಬಟ್ಟೆಗಳು ಧರಿಸುವವರ ಅಭಿರುಚಿ, ಪರಿಸ್ಥಿತಿಯನ್ನು ಬಿಂಬಿಸುತ್ತವೆ. ಬಟ್ಟೆ ನೋಡಿ ಮಣೆ ಹಾಕುವ ಕಾಲ ಇದು ಸಾರ್’ ಎಂದ ಅಂಗಡಿಯವ.</p>.<p>‘ಸಾಧಾರಣ ಪಂಚೆಯಲ್ಲೇ ಫಾರಿನ್ಗೂ ಹೋಗುವ, ದೇವಸ್ಥಾನಕ್ಕೂ ಹೋಗುವ ದೇವೇ ಗೌಡರ ವ್ಯಕ್ತಿತ್ವಕ್ಕೆ ಬಟ್ಟೆಯಿಂದ ಧಕ್ಕೆ ಆಗಿಲ್ಲ...ಪ್ಯಾಂಟು, ಪಂಚೆಗಿಂಥ ಪಂಚೇಂದ್ರಿಯಗಳನ್ನು ಪರಿಶುದ್ಧವಾಗಿಟ್ಟುಕೊಂಡು ಘನತೆ ಕಾಪಾಡಿ ಕೊಳ್ಳಬೇಕಷ್ಟೇ...’ ಎಂದು ಸುಮಿ ಕೊಂಡ ಬಟ್ಟೆಗಳನ್ನು ಜೋಡಿಸಿಕೊಂಡಳು.</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>