<p>‘ಅಪರಾಧಿಗಳು ಸುಳ್ಳು ಹೇಳಿದ್ರೆ ಪತ್ತೆ ಮಾಡಕ್ಕೆ ನಾನಾ ಥರದ ಪರೀಕ್ಷೆ ಅವಂತೆ. ಇದರಿಂದ ಸಾಮಾನ್ಯ ಜನಕ್ಕೇನು ಉಪಯೋಗ ಸಾ?’ ಅಂತ ಕೇಳಿದೆ.</p>.<p>‘ಪಕ್ಷಗಳು ಟಿಕೆಟ್ ಕೊಡೊ ಮೊದಲು ಕೆಲವು ಕ್ವಾಟ್ಲೆ ಪರೀಕ್ಷೆಗಳನ್ನ ಮಾಡಿ ಅಮಾಕ ಪಕ್ಷದಿಂದ ಟಿಕೆಟ್ ಕೊಡದು ಉತ್ತಮ’ ಅಂದ್ರು ತುರೇಮಣೆ.</p>.<p>‘ಬೇಜಾನ್ ಕಾಸು ಇರಬಕು, ವಿರೋಧಿಗಳಿಗೆ ಎಡಕೆ ಬಲಕೆ ಬಯ್ಯೊಗ್ರಫಿ ಪದ ಸಂಪತ್ತು ಇರಬಕು, ಜನ ಮಾತಾಡಿಸಿದರೆ ಕಪಾಳಕ್ಕೊಡಿಬಕು, ಕಾಸು ಇಸುಗಂಡು ಪೋಸ್ಟಿಂಗ್ ಮಾಡಿಸುವಾಗ ಆಡಿಯೊ-ವಿಡಿಯೊ ಎಚ್ಚರ ಇರಬಕು. ಇಷ್ಟಿದ್ರೆ ಸಾಕಲ್ವಾ? ಇನ್ನೇನು ಪರೀಕ್ಷೆ ಮಾಡೀರಿ?’ ವಿಚಾರಿಸಿದೆ.</p>.<p>‘ಪೋಲಿಗ್ರಫಿ ಪರೀಕ್ಷೆ ಅಂತ ಅದೆ. ಹನಿಟ್ರ್ಯಾಪ್ ಕುಜದೋಷ ಇದ್ರೆ ಅಪಾಪೋಲಿ ಅಂತ ಅಡಿಷನಲ್ ಲಿಸ್ಟಲ್ಲಿ ಮಡಗಬಕು’.</p>.<p>‘ಹೀನಸುಳಿ ಯಾವುದು ಅಂತ ಗೊತ್ತಾಯ್ತದೆ’.</p>.<p>‘ಗೆದ್ದ ಮೇಲೆ ಗೊಂತಲ್ಲಿ ಕಟ್ಟಿದ ದನ ಇದ್ದಂಗೆ ಇರತನಾ ಇಲ್ಲಾ ಪಕ್ಷದಿಂದ ಪಕ್ಷಕ್ಕೆ ಜಂಪ್ ಮಾಡಿ ತ್ಯಾಗಜೀವಿಯಾಗೋ ಆಸೆ ಐತಾ ಅಂತ ತಿಳಿಸೋ ಜಂಪರ್ ಪರೀಕ್ಷೆ ಮಾಡಬಕು’.</p>.<p>‘ಚೆನ್ನಾಗದೆ ಸಾ, ಆಮೇಲೆ?’</p>.<p>‘ಇನ್ನೊಂದದೆ, ಬ್ಯಾರೆ ಪಕ್ಷಕ್ಕೆ ಮಳ್ಳಿ ಥರಾ ನುಸುಳಿ ಸ್ಲೀಪರ್ ಸೆಲ್ ಆಗಿರೋ ಐನಾತಿ ಮಂಪರು ವಿದ್ಯೆ ಕಲಿತಿರಬೇಕು’</p>.<p>‘ಐನ್ ಟೈಮಲ್ಲಿ ಸಿಡೀಬೇಕು ಅಂತೀರ, ಆಮೇಲೆ?’</p>.<p>‘ಯಾವ್ಯಾವ ಬೂತಲ್ಲಿ ತನಗೆ ಎಷ್ಟೆಷ್ಟು ವೋಟು ಬಂದದು, ಎಷ್ಟು ಕಳ್ಳ ವೋಟು ಹಾಕಿಸ್ಕಬಕು ಅಂತ ಮಾಹಿತಿ ಕದಿಯೋ ಬೂತ್ ಮ್ಯಾಪಿಂಗ್ ಐಡಿಯಾ ಇರಬಕು’.</p>.<p>‘ಸಕತ್ತಾಗದೆ ಸಾ’.</p>.<p>‘ಸುಳ್ಳನ್ನ ಪದೇಪದೇ ಹೇಳಿ ನಿಜ ಮಾಡೋ ಟಕ್ಕರ್ ಬಾಂಬ್ ಆಗಿದ್ರೆ ಅವುನ್ನ ಸಿಎಂ ಮಾಡಿಕ್ಯಬೌದು!’</p>.<p>‘ನೀವು ಭಲಾರೆ ಕ್ಯಾತೆ ರಾಜತಂತ್ರಿ ಸಾ!’ ಅಂತ ಹೊಗಳಿದೆ.</p>.<p>‘ಹ್ಞೂಂ ಕಲಾ, ಎಲ್ಲಾ ಪಕ್ಷಗಳೂ ‘ನಮ್ಮ ಪಕ್ಷಕ್ಕೇ ಚುನಾವಣಾ ತಂತ್ರಗಾರ ಆಗುವೆ ಬಪ್ಪಾ’ ಅಂತ ಜುಲುಮೆ ಮಾಡ್ತಾವೆ!’ ಅಂದ್ರು.</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>
<p>‘ಅಪರಾಧಿಗಳು ಸುಳ್ಳು ಹೇಳಿದ್ರೆ ಪತ್ತೆ ಮಾಡಕ್ಕೆ ನಾನಾ ಥರದ ಪರೀಕ್ಷೆ ಅವಂತೆ. ಇದರಿಂದ ಸಾಮಾನ್ಯ ಜನಕ್ಕೇನು ಉಪಯೋಗ ಸಾ?’ ಅಂತ ಕೇಳಿದೆ.</p>.<p>‘ಪಕ್ಷಗಳು ಟಿಕೆಟ್ ಕೊಡೊ ಮೊದಲು ಕೆಲವು ಕ್ವಾಟ್ಲೆ ಪರೀಕ್ಷೆಗಳನ್ನ ಮಾಡಿ ಅಮಾಕ ಪಕ್ಷದಿಂದ ಟಿಕೆಟ್ ಕೊಡದು ಉತ್ತಮ’ ಅಂದ್ರು ತುರೇಮಣೆ.</p>.<p>‘ಬೇಜಾನ್ ಕಾಸು ಇರಬಕು, ವಿರೋಧಿಗಳಿಗೆ ಎಡಕೆ ಬಲಕೆ ಬಯ್ಯೊಗ್ರಫಿ ಪದ ಸಂಪತ್ತು ಇರಬಕು, ಜನ ಮಾತಾಡಿಸಿದರೆ ಕಪಾಳಕ್ಕೊಡಿಬಕು, ಕಾಸು ಇಸುಗಂಡು ಪೋಸ್ಟಿಂಗ್ ಮಾಡಿಸುವಾಗ ಆಡಿಯೊ-ವಿಡಿಯೊ ಎಚ್ಚರ ಇರಬಕು. ಇಷ್ಟಿದ್ರೆ ಸಾಕಲ್ವಾ? ಇನ್ನೇನು ಪರೀಕ್ಷೆ ಮಾಡೀರಿ?’ ವಿಚಾರಿಸಿದೆ.</p>.<p>‘ಪೋಲಿಗ್ರಫಿ ಪರೀಕ್ಷೆ ಅಂತ ಅದೆ. ಹನಿಟ್ರ್ಯಾಪ್ ಕುಜದೋಷ ಇದ್ರೆ ಅಪಾಪೋಲಿ ಅಂತ ಅಡಿಷನಲ್ ಲಿಸ್ಟಲ್ಲಿ ಮಡಗಬಕು’.</p>.<p>‘ಹೀನಸುಳಿ ಯಾವುದು ಅಂತ ಗೊತ್ತಾಯ್ತದೆ’.</p>.<p>‘ಗೆದ್ದ ಮೇಲೆ ಗೊಂತಲ್ಲಿ ಕಟ್ಟಿದ ದನ ಇದ್ದಂಗೆ ಇರತನಾ ಇಲ್ಲಾ ಪಕ್ಷದಿಂದ ಪಕ್ಷಕ್ಕೆ ಜಂಪ್ ಮಾಡಿ ತ್ಯಾಗಜೀವಿಯಾಗೋ ಆಸೆ ಐತಾ ಅಂತ ತಿಳಿಸೋ ಜಂಪರ್ ಪರೀಕ್ಷೆ ಮಾಡಬಕು’.</p>.<p>‘ಚೆನ್ನಾಗದೆ ಸಾ, ಆಮೇಲೆ?’</p>.<p>‘ಇನ್ನೊಂದದೆ, ಬ್ಯಾರೆ ಪಕ್ಷಕ್ಕೆ ಮಳ್ಳಿ ಥರಾ ನುಸುಳಿ ಸ್ಲೀಪರ್ ಸೆಲ್ ಆಗಿರೋ ಐನಾತಿ ಮಂಪರು ವಿದ್ಯೆ ಕಲಿತಿರಬೇಕು’</p>.<p>‘ಐನ್ ಟೈಮಲ್ಲಿ ಸಿಡೀಬೇಕು ಅಂತೀರ, ಆಮೇಲೆ?’</p>.<p>‘ಯಾವ್ಯಾವ ಬೂತಲ್ಲಿ ತನಗೆ ಎಷ್ಟೆಷ್ಟು ವೋಟು ಬಂದದು, ಎಷ್ಟು ಕಳ್ಳ ವೋಟು ಹಾಕಿಸ್ಕಬಕು ಅಂತ ಮಾಹಿತಿ ಕದಿಯೋ ಬೂತ್ ಮ್ಯಾಪಿಂಗ್ ಐಡಿಯಾ ಇರಬಕು’.</p>.<p>‘ಸಕತ್ತಾಗದೆ ಸಾ’.</p>.<p>‘ಸುಳ್ಳನ್ನ ಪದೇಪದೇ ಹೇಳಿ ನಿಜ ಮಾಡೋ ಟಕ್ಕರ್ ಬಾಂಬ್ ಆಗಿದ್ರೆ ಅವುನ್ನ ಸಿಎಂ ಮಾಡಿಕ್ಯಬೌದು!’</p>.<p>‘ನೀವು ಭಲಾರೆ ಕ್ಯಾತೆ ರಾಜತಂತ್ರಿ ಸಾ!’ ಅಂತ ಹೊಗಳಿದೆ.</p>.<p>‘ಹ್ಞೂಂ ಕಲಾ, ಎಲ್ಲಾ ಪಕ್ಷಗಳೂ ‘ನಮ್ಮ ಪಕ್ಷಕ್ಕೇ ಚುನಾವಣಾ ತಂತ್ರಗಾರ ಆಗುವೆ ಬಪ್ಪಾ’ ಅಂತ ಜುಲುಮೆ ಮಾಡ್ತಾವೆ!’ ಅಂದ್ರು.</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>