ಗುರುವಾರ, 9–4–1970

ನವದೆಹಲಿ, ಏ. 8– ಇಂಡೊ– ಚೀನಾದ ಎಲ್ಲ ‘ವಿದೇಶಿ ಪಡೆಗಳನ್ನೆಲ್ಲಾ’ ವಾಪಸುಕರೆಸಿಕೊಳ್ಳಬೇಕೆಂದೂ ಅದರಿಂದ ವಿಯೆಟ್ನಾಂ, ಕಾಂಬೋಡಿಯಾ ಹಾಗೂ ಲಾವೋಸಿನ ಜನರು ತಮ್ಮ ಸಮಸ್ಯೆಗಳೇನೆಂಬುದನ್ನು ಅರಿತುಕೊಳ್ಳುವುದು ಸಾಧ್ಯವಾಗುತ್ತದೆಂದೂ ಇದೊಂದೇ ಈ ಸಮಸ್ಯೆಗೆ ಪರಿಹಾರವೆಂದೂ ವಿದೇಶಾಂಗ ಸಚಿವ ದಿನೇಶ್‌ ಸಿಂಗ್‌ ಇಂದು ಕರೆಯಿತ್ತರು.

ಪ್ರಾಣಿಶಾಸ್ತ್ರ ಪ್ರಶ್ನೆಪತ್ರಿಕೆ ಬಯಲು: ಪರೀಕ್ಷೆ ಮುಂದಕ್ಕೆ

ಮೈಸೂರು, ಏ. 8– ಮೈಸೂರು ವಿಶ್ವವಿದ್ಯಾನಿಲಯದ ಕೊನೆಯ ವರ್ಷದ ಬಿ.ಎಸ್ಸಿ ಪ್ರಾಣಿಶಾಸ್ತ್ರ (ಮೇಜರ್‌) ವಿಭಾಗದ ಪರೀಕ್ಷೆಯನ್ನು ಮೇ 4, 5 ಮತ್ತು 6ನೇ ತಾರೀಖುಗಳಿಗೆ ಮುಂದಕ್ಕೆ ಹಾಕಲಾಗಿದೆ.

ಪರೀಕ್ಷೆ ಇಂದಿನಿಂದ ಆರಂಭವಾಗಬೇಕಾಗಿತ್ತು. ಪ್ರಶ್ನೆಪತ್ರಿಕೆಗಳು ಬಹಿರಂಗವಾದ ಕಾರಣ ಈ ಕ್ರಮ ಕೈಗೊಳ್ಳಲಾಯಿತೆಂದು ಹೇಳಲಾಗಿದೆ.