7

ಬುಧವಾರ, 10–7–1968

Published:
Updated:

ಭಾರತದ ವಿರುದ್ಧ ದಾಳಿಗೆ ಪಾಕಿಸ್ತಾನಕ್ಕೆ ಪ್ರಚೋದನೆ

ಗೌಹಾಟಿ, ಜುಲೈ 9– ಪಾಕಿಸ್ತಾನಕ್ಕೆ ಶಸ್ತ್ರಾಸ್ತ್ರ ಸರಬರಾಜು ಮಾಡಲು ರಷ್ಯಾ ಕೈಗೊಂಡಿದೆಯೆನ್ನಲಾದ ನಿರ್ಧಾರ ‘ಅಪಾಯದಿಂದ ಕೂಡಿದೆ’ ಎಂದು ಪ್ರಧಾನಿ ಶ್ರೀಮತಿ ಇಂದಿರಾ ಗಾಂಧಿ ಅವರು ಇಂದು ಇಲ್ಲಿ ತಿಳಿಸಿದರು.

ಭಾರತದ ವಿರುದ್ಧ ಹೊಸ ದಾಳಿಗಳನ್ನು ಪ್ರಾರಂಭಿಸಲು ರಷ್ಯದ ಶಸ್ತ್ರಾಸ್ತ್ರ ಸರಬರಾಜು ಪಾಕಿಸ್ತಾನವನ್ನು ಪ್ರಚೋದಿಸಬಹುದು ಎಂದು ಪತ್ರಿಕಾಗೋಷ್ಠಿಯಲ್ಲಿ ಅವರು ಹೇಳಿದರು.

‘ಆಂಧ್ರ ಸರ್ಕಾರದಲ್ಲಿ ಪಾಕ್ ಏಜೆಂಟರು’

ಹೈದರಾಬಾದ್, ಜು. 9– ಸರ್ಕಾರದ ಎಲ್ಲ ಇಲಾಖೆಗಳಲ್ಲಿ ಮುಖ್ಯವಾಗಿ ವಾರ್ತಾ ಇಲಾಖೆಯಲ್ಲಿ ಪಾಕಿಸ್ತಾನಿ ಏಜೆಂಟರು ಚಟುವಟಿಕೆ ನಡೆಸುತ್ತಿದ್ದಾರೆ, ಇವರ ಚಟುವಟಿಕೆಗಳನ್ನು ತಡೆಗಟ್ಟಲು ಕಟ್ಟುನಿಟ್ಟಾದ ಕ್ರಮಗಳನ್ನು ಕೈಗೊಳ್ಳಬೇಕು ಎಂದು ಇಂದು ಆಂಧ್ರ ವಿಧಾನಸಭೆಯಲ್ಲಿ ಕಾಂಗ್ರೆಸ್ ಸದಸ್ಯ
ಶ್ರೀ ವೆಂಕಟನಾರಾಯಣ್ ಆಪಾದಿಸಿದರು.

ಈ ವಿಷಯಕ್ಕೆ ಎಷ್ಟು ಬೆಲೆಯನ್ನು ಕೊಡಬಹುದೋ ಅಷ್ಟನ್ನು ಕೊಡುವುದಾಗಿ ಮುಖ್ಯಮಂತ್ರಿಗಳು ಹೇಳಿದರು.

ಭಾರತದ ನಿಲುವು ಬದಲಾವಣೆ ಇಲ್ಲ: ಇಂದಿರಾ ಸ್ಪಷ್ಟನೆ

ಕಲ್ಕತ್ತ, ಜು. 9– ಪಾಕಿಸ್ತಾನಕ್ಕೆ ಶಸ್ತ್ರಾಸ್ತ್ರ ಸರಬರಾಜು ಮಾಡುವ ರಷ್ಯಾ ನಿರ್ಧಾರದಿಂದ ರಷ್ಯಾ ಬಗ್ಗೆ ಭಾರತದ ನಿಲುವು ಬದಲಾಗುವುದಿಲ್ಲ ಎಂದು ಪ್ರಧಾನಿ ಶ್ರೀಮತಿ ಇಂದಿರಾಗಾಂಧಿ ಇಂದು ಘೋಷಿಸಿದರು.

ಪ್ರತಿಯೊಂದು ರಾಷ್ಟ್ರವೂ ತನಗಿಷ್ಟ ಬಂದವರಿಗೆ ನೆರವು ನೀಡಲು ಸ್ವತಂತ್ರ. ಈ ವ್ಯವಹಾರದಲ್ಲಿ ನಾವು ಮಧ್ಯೆ ಪ್ರವೇಶಿಸುವುದು ಉಚಿತವಲ್ಲ ಎಂದು ಡಂ ಡಂ ವಿಮಾನ ನಿಲ್ದಾಣದಲ್ಲಿ ಪತ್ರಕರ್ತರಿಗೆ ಶ್ರೀಮತಿ ಗಾಂಧಿ ತಿಳಿಸಿದರು.

ಪಾಲ್ಕಿವಾಲಾ: ನೂತನ ಅಟಾರ್ನಿ ಜನರಲ್?

ನವದೆಹಲಿ, ಜು. 9– ಶ್ರೀ ಎನ್.ಎ. ಪಾಲ್ಕಿವಾಲಾ ಅವರು ಶ್ರೀ ಸಿ.ಕೆ. ದಫ್ತರಿ ನಂತರ ಭಾರತ ಅಟಾರ್ನಿ ಜನರಲ್ ಆಗಿ ನೇಮಕವಾಗುವರೆಂದು ತಿಳಿದುಬಂದಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !