ಮಂಗಳವಾರ 23–7–1968

7

ಮಂಗಳವಾರ 23–7–1968

Published:
Updated:

ಪಾಕ್‌ ಹಠಮಾರಿತನಕ್ಕೆ ರಷ್ಯನ್‌ ಶಸ್ತ್ರಾಸ್ತ್ರಪೋಷಕ: ಕೊಸಿಗಿನ್‌ಗೆ ಭಾರತ ಸ್ಪಷ್ಟನೆ

ನವದೆಹಲಿ, ಜು. 22– ಪಾಕಿಸ್ತಾನಕ್ಕೆ ಶಸ್ತ್ರಾಸ್ತ್ರ ಮಾರುವ ರಷ್ಯಾ ನಿರ್ಧಾರ ಭಾರತ– ಪಾಕಿಸ್ತಾನ ಉಪಖಂಡದಲ್ಲಿ ಬಿಕ್ಕಟ್ಟನ್ನು ತೀವ್ರಗೊಳಿಸುವುದು ಅಲ್ಲದೆ, ಇದರಿಂದ ಭಾರತದ ರಕ್ಷಣೆಯ ಮೇಲೆ ಅಧಿಕ ಭಾರ ಬೀಳುವುದು ಎಂದು ರಷ್ಯಾಕ್ಕೆ ಭಾರತ ಸ್ಪಷ್ಟವಾಗಿ ತಿಳಿಸಿದೆ.

**

ಪಕ್ಷಗಳಿಗೆ ಕಂಪನಿ ಕಾಣಿಕೆ ನಿಷೇಧ

ನವದೆಹಲಿ, ಜು. 22– ಕಾನೂನು ಸಚಿವಾಲಯವೂ ಸೇರಿ ಸಂಬಂಧಪಟ್ಟವರೆಲ್ಲರ ಅಭಿಪ್ರಾಯಗಳನ್ನೂ ಪರಿಶೀಲಿಸಿ ರಾಜಕೀಯ ಪಕ್ಷಗಳಿಗೆ ಕಂಪನಿಗಳು ಕಾಣಿಕೆ ಕೊಡುವುದನ್ನು ನಿಷೇಧಿಸಲು ಸರಕಾರ ನಿರ್ಧರಿಸಿದೆ ಎಂದು ಕೈಗಾರಿಕಾಭಿವೃದ್ಧಿ ಖಾತೆ ಸಚಿವ ಶ್ರೀ ಫಕ್ರುದ್ದೀನ್‌ ಅಲಿ ಅಹಮದ್‌ ಅವರು ಇಂದು ರಾಜ್ಯಸಭೆಯಲ್ಲಿ ಶ್ರೀ ಎ.ಡಿ. ಮಣಿ ಅವರಿಗೆ ಲಿಖತ ಉತ್ತರವೊಂದರಲ್ಲಿ ತಿಳಿಸಿದರು.

**

ಇಂದಿನಿಂದ ಸರಕಾರಿ ಸಕ್ಕರೆ 15 ಪೈಸೆ ತುಟ್ಟಿ

ಬೆಂಗಳೂರು, ಜು.22– ಮಂಗಳವಾರದಿಂದ ರಾಜ್ಯದಾದ್ಯಂತ ಬಳಕೆದಾರರು ಪ್ರತಿ ಕೆ.ಜಿ. ಸಕ್ಕರೆಗೆ 15ಪೈಸೆ ಹೆಚ್ಚು ಬೆಲೆ ತೆರಬೇಕು.

**

ಟನ್‌ಗೆ 100 ರೂ. ಕೊಟ್ಟು ಕಬ್ಬು ಕೊಳ್ಳಲು ಮಂಡ್ಯ ಸಕ್ಕರೆ ಕಾರ್ಖಾನೆ ನಿರ್ಧಾರ

ಮಂಡ್ಯ, ಜು. 22– ಮಂಡ್ಯ ಸಕ್ಕರೆ ಕಾರ್ಖಾನೆ ಇನ್ನು ಮುಂದೆ ರೈತರಿಂದ ಟನ್ನಿಗೆ ಒಂದು ನೂರು ರೂಪಾಯಿಗಳಂತೆ ಕಬ್ಬನ್ನು ಖರೀದಿ ಮಾಡಲಿದೆ. ಈ ಹಿಂದೆ ಸರಬರಾಜಾಗಿರುವ ಕಬ್ಬಿಗೂ ಟನ್ನಿಗೆ 100 ರೂ. ಕೊಡಲಾಗುವುದು.

**

ನೀತಿ ಚತುಷ್ಟಯ

ನವದೆಹಲಿ, ಜು. 22– ಸ್ನೇಹವಿರುವೆಡೆ ಅದನ್ನು ವೃದ್ಧಿಗೊಳಿಸುವುದು, ಭಿನ್ನಾಭಿಪ್ರಾಯವಿದ್ದಲ್ಲಿ ಅದನ್ನು ಮೊಟಕುಗೊಳಿಸುವುದು, ತಪ್ಪುತಿಳಿವಳಿಕೆ ಇದ್ದಲ್ಲಿ ಅದನ್ನು ನಿರ್ಮೂಲಗೊಳಿಸುವುದು ಮತ್ತು ರಾಷ್ಟ್ರದ ಹಿತಾಸಕ್ತಿಗೆ ವಿರುದ್ಧವಾಗಿ ರಾಜಿ ಮಾಡಿಕೊಳ್ಳದಿರುವುದು.

ಇದು ಭಾರತದ ವಿದೇಶಾಂಗ ನೀತಿಯ ಚತುಷ್ಟಯ; ಇಂದು ಪ್ರಧಾನಮಂತ್ರಿಯವರು ಲೋಕಸಭೆಯಲ್ಲಿ ನಡೆಸಿದ ವಿದೇಶಾಂಗ ನೀತಿಯ ವಿಶ್ಲೇಷಣೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 1

    Sad
  • 0

    Frustrated
  • 0

    Angry

Comments:

0 comments

Write the first review for this !