ನನ್ನನ್ನು ಮಾನಸಿಕವಾಗಿ ಕೊಲೆ ಮಾಡಲು ಯತ್ನ: ಶಾಸಕ ಜೆ.ಆರ್.ಲೋಬೊ ಆರೋಪ

ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಸಮಿತಿ ಕಚೇರಿಯಲ್ಲಿ ಶನಿವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, '2003ರ ಜುಲೈ ತಿಂಗಳಿನಿಂದ 2013ರ ಡಿಸೆಂಬರ್ ವರೆಗೆ ನಾನು ಕುಡ್ಸೆಂಪ್ ನಿರ್ದೇಶಕನಾಗಿದ್ದೆ. ಈ ಅವಧಿಯಲ್ಲಿ ಯಾವುದೇ ಅಕ್ರಮವೂ ನಡೆದಿಲ್ಲ. ಸಿಪಿಎಂ ಅಭ್ಯರ್ಥಿ ಸುನಿಲ್ ಕುಮಾರ್ ಬಜಾಲ್ ಮತ್ತು ಬಿಜೆಪಿಯ ಸ್ವಘೋಷಿತ ಮುಖಂಡ ಹನುಮಂತ ಕಾಮತ್ ಸುಳ್ಳು ಆರೋಪ ಮಾಡುತ್ತಿದ್ದಾರೆ' ಎಂದರು.

ಇದು ಮಾನಸಿಕವಾಗಿ ಕೊಲೆ ಮಾಡುವ ಯತ್ನ. ಈ ರೀತಿ ಕೊಲೆ ಮಾಡಿ ಅಭ್ಯಾಸ ಇರುವವರು ಮಾತ್ರ ಹೀಗೆ ಮಾಡಲು ಸಾಧ್ಯ. ಇಂತಹ ಪ್ರಯತ್ನಗಳಿಗೆ ನಾನು ಹೆದರುವುದಿಲ್ಲ ಎಂದರು.

ಸುಳ್ಳು ಆರೋಪ ಮಾಡುವವರ ವಿರುದ್ಧ ಮಾನನಷ್ಟ ಮೊಕದ್ದಮೆ ಮತ್ತು ಕ್ರಿಮಿನಲ್ ಮೊಕದ್ದಮೆ ದಾಖಲು ಮಾಡುವೆ ಎಂದು ಹೇಳಿದರು.