ಸಂಗತ | ರಾಜಮಾರ್ಗ: ಕನ್ನಡಿಗರ ಹೃದಯಮಾರ್ಗ!

ರಾಜಕುಮಾರ್ ಪುಣ್ಯಭೂಮಿಗೆ ಎರಡೂವರೆ ಎಕರೆ ಭೂಮಿಕೊಟ್ಟಿರುವ ಸರ್ಕಾರವನ್ನು ಪ್ರಶ್ನಿಸಿರುವ ನಟ ಚೇತನ್ ಅವರ ನಿಲುವು ವ್ಯಾಪಕ ಟೀಕೆಗೆ ಒಳಗಾಗಿದೆ. ಅದು ಸಹಜ. ಕೆಲವರು ಆವೇಶಗೊಂಡು, ಕಾನೂನನ್ನು ಕೈಗೆ ತೆಗೆದುಕೊಳ್ಳುವ ಮಾತನಾಡಿದ್ದಾರೆ. ಅದು ಅಸಹಜ.

. ರಾಜಕುಮಾರ್ ಪರವಾಗಿ ವಕಾಲತ್ತಿನ ಅವಕಾಶವನ್ನು ಕನ್ನಡಿಗರು ಯಾವತ್ತೂ ಬಿಟ್ಟುಕೊಟ್ಟಿಲ್ಲ. ಯಾಕೆಂದರೆ, ರಾಜ್ ಈಗ ವ್ಯಕ್ತಿಯಾಗಿಯೋ ನಟನಾಗಿಯೋ ಉಳಿದಿಲ್ಲ. ಅವರು ಕನ್ನಡಿಗರ ಭಾವಕೋಶದ ಭಾಗ. ಕನ್ನಡ ವಿವೇಕ ಪರಂಪರೆಯ ಮಾದರಿ. ಹಾಗಾಗಿಯೇ, ರಾಜ್ ಕುರಿತ ತಕರಾರುಗಳು ಕನ್ನಡದ ಅಸ್ಮಿತೆಯನ್ನು ಪ್ರಶ್ನಿಸಿದಂತೆ ಕನ್ನಡಿಗ ರಿಗೆ ಭಾಸವಾಗುತ್ತದೆ. ಆ ಕಾರಣ ದಿಂದಲೇ, ಚೇತನ್ ಅವರು ಸರ್ಕಾರವನ್ನು ಪ್ರಶ್ನಿಸಿದರೂ ಆ ಪ್ರಶ್ನೆಗೆ ಜನರೇ ಉತ್ತರಿಸಿದರು.

. ಅರಿತೋ ಅರಿಯದೆಯೋ ಚೇತನ್, ರಾಜ್ ಪುಣ್ಯ ಭೂಮಿಯ ಕುರಿತು ಪ್ರಶ್ನೆ ಮಾಡಿದರು. ಪ್ರಶ್ನೆ ಕೇಳಿದ್ದಕ್ಕಾಗಿ ಅವರ ಮೇಲೆ ಕೋಪಿಸಿಕೊಳ್ಳುವ ಅಗತ್ಯವಿಲ್ಲ. ಚೇತನ್ ಪ್ರಶ್ನೆಯನ್ನು ಧನಾತ್ಮಕವಾಗಿ ನೋಡಬೇಕಾಗಿದೆ. ಅವರು ಪ್ರಶ್ನೆ ಕೇಳಿದ ಕಾರಣದಿಂದಾಗಿ, ರಾಜ್ ಯಾವೆಲ್ಲ ಕಾರಣಗಳಿಂದಾಗಿ ಕನ್ನಡಿಗರ ಪ್ರೀತಿ–ಗೌರವಕ್ಕೆ ಅರ್ಹರು ಎನ್ನುವ ಕುರಿತು ದೊಡ್ಡ ವಿಶ್ಲೇಷಣೆಯೇ ಮಾಧ್ಯಮ ಗಳಲ್ಲಿ, ವಿಶೇಷವಾಗಿ ಸಾಮಾಜಿಕ ಮಾಧ್ಯಮಗಳಲ್ಲಿ ನಡೆಯಿತು. ಭೌತಿಕವಾಗಿ ನಮ್ಮೊಂದಿಗೆ ಇಲ್ಲದ ವ್ಯಕ್ತಿ, ವ್ಯಕ್ತಿತ್ವಗಳನ್ನು ಹೀಗೆ ನೆನಪಿಸಿಕೊಳ್ಳುವುದು ಹಾಗೂ ಚರ್ಚಿಸುವುದು ಅವರನ್ನು ನಮ್ಮ ಕಾಲಕ್ಕೆ ಪ್ರಸ್ತುತಗೊಳಿಸಿಕೊಳ್ಳುವ ಮಾರ್ಗವಾಗಿರುತ್ತದೆ. ಸಿನಿಮಾಗಳ ರೂಪದಲ್ಲಷ್ಟೇ ರಾಜಕುಮಾರ ರನ್ನು ನೋಡಲು ಸಾಧ್ಯವಿರುವ ಹೊಸ ತಲೆಮಾರಿನ ಕಣ್ಮಣಿಗಳಿಗೆ ರಾಜ್ರ ಬಹುಮುಖಿ ವ್ಯಕ್ತಿತ್ವವನ್ನು ದಾಟಿಸುವುದು ಮಾತು–ಕತೆಗಳಿಂದಷ್ಟೇ ಸಾಧ್ಯ. ಈ ಹಿನ್ನೆಲೆಯಲ್ಲಿ ಚೇತನ್ ಅವರ ಪ್ರಶ್ನೆಗಳಿಂದ ಉಪಯೋಗವಾಗಿದೆ. ಕನ್ನಡಿಗರು ತಮ್ಮ ಎದೆಯೊಳಗಿನ ಆಲ್ಬಮ್ನ ಪುಟಗಳ ದೂಳು ಸ್ವಚ್ಛಗೊಳಿಸಿ, ರಾಜ್ ಬಿಂಬದ ಹೊಳಪು ಹೆಚ್ಚಿಸಿದ್ದಾರೆ. ಹೀಗೆ ದೂಳು ತೊಡೆಯುವ ಕೆಲಸಗಳು ರಾಜ್ ಸೇರಿದಂತೆ ಕನ್ನಡದ ಎಲ್ಲ ಅಸ್ಮಿತೆಗಳಿಗೆ ಸಂಬಂಧಿಸಿದಂತೆಯೂ ಆಗಾಗ ನಡೆಯುತ್ತಿರಬೇಕು. ಅದಕ್ಕೆ ಪೂರಕವಾಗಿ, ಚೇತನ್ ಅಂಥವರು ಪ್ರಶ್ನೆಗಳನ್ನು ಕೇಳುವುದು ಸ್ವಾಗತಾರ್ಹ.

. ಸಮಸ್ಯೆ ಇದ್ದುದು ಚೇತನ್ ಅವರ ಪ್ರಶ್ನೆಗಳ ಬಗೆಗಲ್ಲ, ಆ ಪ್ರಶ್ನೆಗಳ ಪ್ರಾಮಾಣಿಕತೆಯ ಬಗೆಗೆ. ಮಹಾತ್ಮ ಗಾಂಧೀಜಿ ಒಬ್ಬರಿಂದಲೇ ದೇಶಕ್ಕೆ ಸ್ವಾತಂತ್ರ್ಯ ಬಂತೆ? ಅಂಬೇಡ್ಕರ್ ಒಬ್ಬರೇ ಸಂವಿಧಾನ ಬರೆದಿದ್ದಾರೆಯೆ? ಇಂಥ ಪ್ರಶ್ನೆಗಳ ಹಿಂದಿನ ಮನಃಸ್ಥಿತಿ ಯಾವ ಬಗೆಯದಾಗಿರುತ್ತದೆ ಎನ್ನುವು ದನ್ನು ಬಿಡಿಸಿ ಹೇಳಬೇಕಾಗಿಲ್ಲ. ಚೇತನ್ ಅವರು ತಮ್ಮ ಪ್ರಶ್ನೆಗೆ ಪೂರಕವಾಗಿ ನೀಡಿದ ಟಿಪ್ಪಣಿ ಗಳಲ್ಲೂ ಇಂತಹುದೇ ಮನಃಸ್ಥಿತಿ ಇಣುಕುತ್ತಿರುವಂತಿದೆ. ರಾಜಕುಮಾರ್ ಅಷ್ಟೇ ಅಲ್ಲ, ಇಂತಿಂಥವರೆಲ್ಲ ಕನ್ನಡ ಚಿತ್ರರಂಗಕ್ಕೆ ಕೊಡುಗೆ ನೀಡಿದ್ದಾರೆ ಎಂದು ಚೇತನ್ ಪಟ್ಟಿ ನೀಡಿದ್ದಾರೆ. ಚೇತನ್ ಅವರು ಹೆಸರಿಸಿ ರುವ ಸಾಧಕರೆಲ್ಲ ಕನ್ನಡ ಚಿತ್ರರಂಗಕ್ಕೆ ಹೂವು ತಂದವರೇ ಆಗಿದ್ದಾರೆ. ಆದರೆ, ರಾಜ್ ಅವರ ಕೊಡುಗೆಯ ಸಂದರ್ಭದ ಚರ್ಚೆಯಲ್ಲಿ ಹೋಲಿಕೆ ಗಾಗಿ ಮತ್ತೊಬ್ಬರನ್ನು ಎಳೆದು ತರುವುದು ಸಮಸ್ಯಾತ್ಮಕ. ಒಬ್ಬರನ್ನು ಮತ್ತೊಬ್ಬರೊಂದಿಗೆ ಹೋಲಿಸುವ ಅಗತ್ಯವೂ ಇಲ್ಲ. ಕೊಡುಗೆಯ ಸಹಭಾಗಿತ್ವದ ಬಗ್ಗೆ ಚೇತನ್ ಪ್ರಶ್ನೆ ಎತ್ತಿರುವು ದರಿಂದ, ಅವರಿಗೊಂದು ಮಾತನ್ನು ಹೇಳ ಬಹುದು. ಚೇತನ್ ಯಾರೆಲ್ಲ ಹೆಸರುಗಳನ್ನು ಪ್ರಸ್ತಾಪಿಸಿ ದ್ದಾರೋ, ಆ ಸಾಧಕರ ಸಿನಿಮಾಗಳನ್ನು ಪಕ್ಕಕ್ಕಿಟ್ಟು ನೋಡಿದರೂ ಕನ್ನಡ ಸಿನಿಮಾ ಇತಿಹಾಸದಲ್ಲಿ ಹೆಚ್ಚಿನ ವ್ಯತ್ಯಾಸವೇನೂ ಆಗುವು ದಿಲ್ಲ. ಆದರೆ, ರಾಜಕುಮಾರರ ಸಿನಿಮಾ ಗಳನ್ನು ಪಕ್ಕಕ್ಕಿಟ್ಟು ನೋಡಿದರೆ ಕನ್ನಡ ಸಿನಿಮಾ ಇತಿಹಾಸದ ತಳಹದಿಯೇ ಕುಸಿದು, ಕೆಲವು ತುಣುಕುಗಳಷ್ಟೇ ಉಳಿಯುತ್ತವೆ. ಇದು ಬಿಡುಬೀಸಾದ ಹೇಳಿಕೆಯಂತೆ ಕಾಣಿಸಿದರೂ, ಸಿನಿಮಾ ವಿದ್ಯಾರ್ಥಿಗಳಿಗೆ ಈ ಮಾತಿನ ಸತ್ಯ ಹೊಳೆಯಬಲ್ಲದು.

. ಬೌದ್ಧಿಕತೆಯ ಬಗ್ಗೆ ಅಷ್ಟೇನೂ ನಂಬಿಕೆ ಇಲ್ಲದಂತೆ ವರ್ತಿಸುವ ಕನ್ನಡ ಚಿತ್ರರಂಗ, ಚೇತನ್ರ ಪ್ರಶ್ನೆಗಳಿಗೆ ಉತ್ತರಿಸುವಲ್ಲಿಯೂ ತನ್ನ ಅಸಾಮರ್ಥ್ಯ ಸಾಬೀತುಪಡಿಸಿತು. ರಾಜ ಕುಮಾರ್ ಸ್ಮಾರಕಕ್ಕೆ ಸರ್ಕಾರ ಭೂಮಿ ಕೊಟ್ಟಿರುವುದು ಹೇಗೆ ಸರಿ? ಯಾವ ಕಾರಣಕ್ಕಾಗಿ ಕನ್ನಡಿಗರ ಕೃತಜ್ಞತೆಗೆ ರಾಜ ಕುಮಾರ್ ಅರ್ಹರು ಎನ್ನುವುದನ್ನು ಹೇಳುವುದದಲ್ಲಿ ಚಿತ್ರೋದ್ಯಮ ವಿಫಲವಾಯಿತು. ಕನ್ನಡ ಸಿನಿಮಾದವರಿಗೆ ಗೊತ್ತಿರುವುದು ಎರಡೇ: ಕೋಪ ಮತ್ತು ಪ್ರಲಾಪ. ಸ್ಮೃತಿಗಳ ಹಂಗು ಹಾಗೂ ವರ್ತಮಾನದ ಬಾಧ್ಯತೆ ಇಲ್ಲದವರಿಂದ ಏನನ್ನು ತಾನೆ ನಿರೀಕ್ಷಿಸುವುದು?

. ಚೇತನ್ ಅವರ ಪ್ರಶ್ನೆಗೆ ಅರ್ಥಪೂರ್ಣ ಉತ್ತರದ ರೂಪದಲ್ಲಿ ಸಿನಿಮಾ ಪತ್ರಕರ್ತ ಶಶಿಧರ ಚಿತ್ರದುರ್ಗ ಅವರ ಅಭಿಪ್ರಾಯವನ್ನು ಗಮನಿಸಬಹುದು. ಸಾಮಾನ್ಯವಾಗಿ ವಿಶ್ವವಿದ್ಯಾಲಯವೊಂದು ಐದರಿಂದ ನೂರಾರು ಎಕರೆ ವ್ಯಾಪ್ತಿಯ ವರೆಗೆ ಇರುತ್ತದೆ. ಅದೇ ರೀತಿ, ರಾಜಕುಮಾರ್ ಎನ್ನುವ ವಿಶ್ವವಿದ್ಯಾಲಯ ಎರಡೂವರೆ ಎಕರೆಯಲ್ಲಿದೆ! ಎನ್ನುವುದು ಶಶಿಧರ್ ಪ್ರತಿಕ್ರಿಯೆ. ಉತ್ತರಿಸಬೇಕಾದುದು ಹೀಗಲ್ಲವೆ? ಈ ಉತ್ತರ, ಚೇತನ್ ಅವರ ಪ್ರಶ್ನೆ ಪ್ರಾಮಾಣಿಕವಾದುದೇ ಆಗಿದ್ದಲ್ಲಿ, ಅವರು ತಮ್ಮ ನಿಲುವು ಬದಲಿಸಿಕೊಳ್ಳಲು ಒತ್ತಾಯಿಸುವಂತಿದೆ ಹಾಗೂ ನಿರ್ದಿಷ್ಟ ಪ್ರದೇಶ ಹಾಗೂ ವರ್ಗಕ್ಕೆ ಸೀಮಿತವಾದ ವಿ.ವಿ.ಗಳಿಗೆ ನೂರಾರು ಎಕರೆ ಭೂಮಿ ಇರುವಾಗ, ಅಖಂಡ ಕರ್ನಾಟಕದ ವಿಶ್ವವಿದ್ಯಾಲಯ ರಾಜ ಕುಮಾರ್ ಅವರಿಗೆ ಬರೀ ಎರಡೂವರೆ ಎಕರೆ ಭೂಮಿ ಇರುವುದು ನಾಚಿಕೆಗೇಡು; ಈ ತಾರತಮ್ಯ ಸರಿಯಲ್ಲ ಎಂದವರು ಸರ್ಕಾರವನ್ನು ತರಾಟೆಗೆ ತೆಗೆದುಕೊಳ್ಳಲು ಒತ್ತಾಯಿಸುವಂತಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಂಗತ | ರಾಜಮಾರ್ಗ: ಕನ್ನಡಿಗರ ಹೃದಯಮಾರ್ಗ!

ಚಿನಕುರುಳಿ: ಮಂಗಳವಾರ, 19 ಮೇ 2026

ಪ್ರಶ್ನೆ ಸ್ವೀಕರಿಸದೇ ತೆರಳಿದ ಮೋದಿ: ನಾವೇಕೆ ನಿಮ್ಮನ್ನು ನಂಬಬೇಕು ಎಂದ ಪತ್ರಕರ್ತೆ

ನದಿಗೆ 11,000 ಲೀಟರ್ ಹಾಲು: ಮಾಲಿನ್ಯ ನಿಯಂತ್ರಣ ಮಂಡಳಿ ಪ್ರತಿಕ್ರಿಯೆ ಕೇಳಿದ NGT

ಬೇಲ್ ಸಿಗದಿದ್ದರೆ ಜೈಲ್‌ ಎಂದ ಶಿವಣ್ಣ

ಗಾಯ: ಡಿ ಕಾಕ್‌, ರಾಜ್‌ ಬಾವಾ ಐಪಿಎಲ್‌ಗೆ ಅಲಭ್ಯ

ಮಲೇಷ್ಯಾ ಮಾಸ್ಟರ್ಸ್‌: ಪ್ರಧಾನ ಸುತ್ತಿಗೆ ಅಶ್ಮಿತಾ

ಟೆಸ್ಟ್ ಕ್ರಿಕೆಟ್‌ನಿಂದಲೇ ಗೌರವಾದರ

ಚೆಸ್‌: ಪ್ರಜ್ಞಾನಂದ– ಸೊ ಪಂದ್ಯ ಡ್ರಾ

ಒಳನೋಟ: ಆಮೆಗತಿಯಲ್ಲಿ ಸಾಗುವ ‘ಸರ್ವೆ’

ಒಳನೋಟ: ಭೂದಾಹಕ್ಕೆ ಕೆರೆಯಂಗಳ ಆಪೋಶನ

ಒಳನೋಟ | ಗೋವಾದಂತೆ ಮಂಗಳೂರು ಬೀಚ್‌ ಪ್ರವಾಸೋದ್ಯಮಕ್ಕೂ ʼಜೀವʼ ತುಂಬಬೇಕಿದೆ..

ಒಳನೋಟ: ಬೇಕು ತಾಲ್ಲೂಕು ಆಸ್ಪತ್ರೆಗೆ ‘ಚಿಕಿತ್ಸೆ’

ಚಿನಕುರುಳಿ: ಮಂಗಳವಾರ, 19 ಮೇ 2026

ಪ್ರಶ್ನೆ ಸ್ವೀಕರಿಸದೇ ತೆರಳಿದ ಮೋದಿ: ನಾವೇಕೆ ನಿಮ್ಮನ್ನು ನಂಬಬೇಕು ಎಂದ ಪತ್ರಕರ್ತೆ

ನದಿಗೆ 11,000 ಲೀಟರ್ ಹಾಲು: ಮಾಲಿನ್ಯ ನಿಯಂತ್ರಣ ಮಂಡಳಿ ಪ್ರತಿಕ್ರಿಯೆ ಕೇಳಿದ NGT

ಬೇಲ್ ಸಿಗದಿದ್ದರೆ ಜೈಲ್‌ ಎಂದ ಶಿವಣ್ಣ