ಸಂಗತ | ಮುಟ್ಟು: ಪೂರ್ವಗ್ರಹಗಳಿಗೆ ಕೊನೆಯೆಂದು?

ಭಾರತೀಯ ಸಮಾಜದ ಹಲವು ಸಮುದಾಯಗಳಲ್ಲಿನ ಮುಟ್ಟಿನ ಕುರಿತಾದ ಸಾಮಾಜಿಕ–ಸಾಂಸ್ಕೃತಿಕ ರೂಢಿಗಳು, ಕಳಂಕದ ಮನೋಭಾವ, ತಪ್ಪು ಕಲ್ಪನೆಗಳು ಮತ್ತು ನಿಷೇಧ ಗಳು ಹೆಣ್ಣುಮಕ್ಕಳ ಶೋಷಣೆಗೆ ಕಾರಣವಾಗುತ್ತಿವೆ. ಮುಟ್ಟಿನ ಬಗೆಗೆ ಇರುವ ಸಹಜವಾದ ಪರಿಕಲ್ಪನೆಯನ್ನು ಸರಳವಾಗಿ ಯಾವ ಜನಸಮುದಾಯವೂ ಪರಿಗಣಿಸುತ್ತಿಲ್ಲ.

. ತುಮಕೂರು ಜಿಲ್ಲೆಯ ಗ್ರಾಮವೊಂದರಲ್ಲಿರುವ ದೇಗುಲದ ಸುತ್ತಮುತ್ತ ಮುಟ್ಟಿನ ಮೂರು ದಿನಗಳು ಹೆಣ್ಣುಮಕ್ಕಳು ಸುಳಿಯುವಂತಿಲ್ಲ. ಆ ಮೂರು ದಿನಗಳಲ್ಲಿ ದೇವಾಲಯದ ಸುತ್ತಮುತ್ತ ಅವರ ಓಡಾಟ ನಿಷಿದ್ಧ. ಈ ಕಟ್ಟಲೆಯನ್ನು ಮೀರಿ ದೇವಸ್ಥಾನವನ್ನು ಎಡತಾಕಿದರೆ ರಕ್ತಕಾರಿ ಸಾಯುತ್ತಾರೆಂಬ ನಂಬಿಕೆಯಿದೆ. ಹಾಗಾಗಿಯೇ ಮುಟ್ಟಿನ ಮೂರು ದಿನಗಳನ್ನು ಊರಿನ ಸುತ್ತಮುತ್ತಲಿನ ಹಳ್ಳಿಯ ಹೆಣ್ಣುಮಕ್ಕಳು ವ್ರತದಂತೆ ಪಾಲಿಸುತ್ತಾ ಬದುಕುತ್ತಿ ದ್ದಾರೆ. ಅದರಲ್ಲೂ ಕೂಲಿಕಾರ್ಮಿಕ ಹೆಣ್ಣುಮಕ್ಕಳು ಆ ದಿನಗಳಲ್ಲಿ ಸುತ್ತಮುತ್ತಲಿನ ಕೃಷಿ ಭೂಮಿಯಲ್ಲಿ ಕೆಲಸಕ್ಕೆ ಹೋಗುವುದಿಲ್ಲ. ದೇವಾಲಯದ ಹಾದಿಯಲ್ಲಿ ಸಂಚರಿಸಲೇ ಬೇಕಾದ ಅನಿವಾರ್ಯತೆ ಎದುರಾದರೆ ಉಸಿರು ಬಿಗಿಹಿಡಿದು ಮೌನವಾಗಿ ದಾಟಿ ನಿಟ್ಟುಸಿರಾಗುತ್ತಾರೆ.

. ಎಂಟು ವರ್ಷಗಳ ಹಿಂದೆ ತುಮಕೂರು ಜಿಲ್ಲೆಯ ಗ್ರಾಮ ವೊಂದರಲ್ಲಿ ನಿರ್ಮಿಸಲಾದ ಕಸ್ತೂರ್ ಬಾ ಬಾಲಿಕಾ ನಿಲಯಕ್ಕೆ ಮುಟ್ಟಿನ ಮೌಢ್ಯದ ಕಾರಣದಿಂದ ವಿದ್ಯಾರ್ಥಿ ನಿಯರು ದಾಖಲಾಗದೆ, ವಿದ್ಯಾರ್ಥಿ ನಿಲಯ ಬಳಕೆ ಆಗದಿರುವ ವಿಚಾರ ಪತ್ರಿಕೆಯಲ್ಲಿ ವರದಿಯಾಗಿತ್ತು. ಕೂಡಲೇ ಇಂತಹದೊಂದು ಮೌಢ್ಯಾಚರಣೆಗೆ ಪ್ರತಿಕ್ರಿಯಿಸಿದ ಸರ್ಕಾರ, ಅಲ್ಲಿಯೇ ಪಕ್ಕದಲ್ಲಿರುವ ಬಾಲಕರ ಹಾಸ್ಟೆಲ್ಗೆ ಬಾಲಕಿಯರನ್ನು ಹಾಗೂ ಬಾಲಕಿಯರ ಹಾಸ್ಟೆಲ್ಗೆ ಬಾಲಕರನ್ನು ಸ್ಥಳಾಂತರಗೊಳಿಸುವ ಮೂಲಕ ಪರಿಹಾರ ಸೂಚಿಸಿತು. ಹತ್ತಾರು ವರ್ಷಗಳಿಂದ ಆ ಊರಿನಲ್ಲಿ ನಡೆದುಕೊಂಡು ಬರುತ್ತಿರುವ ಮುಟ್ಟಿನ ಕುರಿತಾದ ಮೌಢ್ಯಗಳನ್ನು ನಿವಾರಿಸಲು ಸರ್ಕಾರ ಪ್ರಯತ್ನಿಸಬೇಕಾಗಿತ್ತು. ಸುತ್ತಮುತ್ತಲಿನ ಊರಿನ ಹೆಣ್ಣು ಮಕ್ಕಳನ್ನು ಅಸ್ಪೃಶ್ಯ ರನ್ನಾಗಿಸಿ ಅವಮಾನಿಸುತ್ತಿರುವ, ಅವರ ಹಕ್ಕುಗಳನ್ನು ಕಸಿಯುತ್ತಿರುವ ಅಪಾಯದ ಬಗೆಗೆ ಗ್ರಾಮಸ್ಥರಲ್ಲಿ ಜಾಗೃತಿ ಮೂಡಿಸಲು ಸರ್ಕಾರ ಪ್ರಯತ್ನ ನಡೆಸಬೇಕಾಗಿತ್ತು. ಇದರ ಬದಲಾಗಿ, ಮುಟ್ಟಿನ ಕುರಿತಾದ ಮಡಿ ಮೈಲಿಗೆಗಳನ್ನು ಮುಂದುವರಿಸಿಕೊಂಡು ಹೋಗಿ ಎಂದು ಹೇಳುತ್ತಿರುವಂತೆ, ಹೆಣ್ಣುಮಕ್ಕಳ ವಸತಿನಿಲಯವನ್ನು ಸ್ಥಳಾಂತರಗೊಳಿಸಿರುವುದು ದಿಗ್ಭ್ರಮೆ ಮೂಡಿಸುತ್ತದೆ.

. ಮುಟ್ಟಿನ ಕುರಿತಾದ ಸಮಾಜದಲ್ಲಿನ ಅಜ್ಞಾನವೇ ಇಂತಹ ಸಮಸ್ಯೆಗಳಿಗೆ ಮೂಲ ಕಾರಣ. ದೇಶದಾದ್ಯಂತ ಮುಟ್ಟಿನ ಸುತ್ತಲಿನ ನಿಷೇಧ ಮತ್ತು ತಪ್ಪುಕಲ್ಪನೆಗಳು ವ್ಯಾಪಕವಾಗಿವೆ. ಇವು ಸಾಮಾಜಿಕ, ಸಾಂಸ್ಕೃತಿಕ ಸಂದರ್ಭಗಳಲ್ಲಿ ಆಳವಾಗಿ ಬೇರೂರಿ, ಹೆಣ್ಣುಮಕ್ಕಳ ಶೋಷಣೆಗೆ ಕಾರಣವಾಗುತ್ತಿವೆ. ಮುಟ್ಟಿನ ಕುರಿತ ಪೂರ್ವಗ್ರಹಗಳು ಸಾರ್ವಜನಿಕ ಜೀವನದಲ್ಲಿ ಮಹಿಳೆಯರ ಭಾಗವಹಿಸುವಿಕೆಯನ್ನು ತಡೆದು, ತೀವ್ರ ಅಸಮಾನತೆಯನ್ನು ಸೃಷ್ಟಿಸುತ್ತಿವೆ. ಮುಟ್ಟಿನ ಬಗೆಗಿನ ಮೌಢ್ಯಗಳ ಕಾರಣದಿಂದಲೇ ಗ್ರಾಮೀಣ ಪ್ರದೇಶಗಳಲ್ಲಿನ ಹೆಣ್ಣು ಮಕ್ಕಳಿಗೆ ಮುಟ್ಟಿನ ಮತ್ತು ಅದರ ನಿರ್ವಹಣೆಯ ಬಗ್ಗೆ ಮಾರ್ಗದರ್ಶನ ಇಲ್ಲದೆ ಮುಟ್ಟಿನ ಶಿಕ್ಷಣ, ಅರಿವನ್ನು ಮಿತಿಗೊಳಿಸುತ್ತಿದೆ.

. ಕೆಲವು ಬುಡಕಟ್ಟು ಸಮುದಾಯಗಳಲ್ಲಿ ಊರಿನ ಹೊರಭಾಗಗಳಲ್ಲಿ ಮುಟ್ಟಾದವರನ್ನು ಪ್ರತ್ಯೇಕವಾಗಿ ಇರಿಸ ಲಾಗುತ್ತದೆ. ಮುಟ್ಟಿನ ಬಗೆಗಿನ ಇಂತಹ ಮೌಢ್ಯಾಚರಣೆಗಳು ಅವರ ದೇಹದ ಬಗೆಗೆ ಕೀಳರಿಮೆಯನ್ನು ಹುಟ್ಟಿಸುತ್ತಾ, ಅವರು ಪೂರ್ಣ ಸಾಮರ್ಥ್ಯ ತಲಪುವುದನ್ನು ತಡೆಯುತ್ತಿವೆ.

. ಆರ್ಥಿಕವಾಗಿ ಹಿಂದುಳಿದಿರುವ ಹೆಣ್ಣುಮಕ್ಕಳಲ್ಲಿ ಮುಟ್ಟಿನ ನೈರ್ಮಲ್ಯ ಪರಿಕರಗಳ ಕೊರತೆಯು ಸೋಂಕು ಸಂಬಂಧಿ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗುತ್ತಾ, ಮಹಿಳೆಯರ ಯೋಗಕ್ಷೇಮವನ್ನು ಅಪಾಯಕ್ಕೆ ಸಿಲುಕಿಸುತ್ತಿದೆ. ಶಾಲೆಗಳಲ್ಲಿ ಮುಟ್ಟಿನ ನೈರ್ಮಲ್ಯ ಪರಿಕರಗಳು, ಶೌಚಾಲಯಗಳಂತಹ ಸಮಸ್ಯೆಗಳ ಕಾರಣ ಸುಮಾರು 2.3 ಕೋಟಿ ಹರೆಯದ ಹೆಣ್ಣುಮಕ್ಕಳು ಶಾಲೆಗಳಿಗೆ ಗೈರುಹಾಜರಾಗುತ್ತಿದ್ದಾರೆ. ‘ಯುಡೈಸ್’ ಅಂಕಿಅಂಶಗಳ ಪ್ರಕಾರ, ಪ್ರಾಥಮಿಕ ಹಂತಕ್ಕಿಂತ ಮಾಧ್ಯಮಿಕ ಮತ್ತು ಪ್ರೌಢಶಾಲೆಯ ಹಂತದಲ್ಲಿ ಹೆಣ್ಣುಮಕ್ಕಳ ದಾಖಲಾತಿ ಕಡಿಮೆ ಪ್ರಮಾಣದಲ್ಲಿದೆ. ಮಾಧ್ಯಮಿಕ ಹಂತದಲ್ಲಿ ಹೆಣ್ಣುಮಕ್ಕಳು ಶಾಲೆ ಬಿಡುವ ಪ್ರಮಾಣ ಶೇ 8.2ರಷ್ಟಿದೆ. ಮುಟ್ಟಿನ ಕುರಿತಾದ ಮೌಢ್ಯಗಳು ಹೆಣ್ಣುಮಕ್ಕಳ ಬಾಲ್ಯ ವಿವಾಹಕ್ಕೆ ಕಾರಣವಾಗುತ್ತಿವೆ.

. ಕರ್ನಾಟಕದಲ್ಲಿ ಬಾಲ್ಯವಿವಾಹಕ್ಕೆ ಸಂಬಂಧಿಸಿದಂತೆ ಕಟ್ಟುನಿಟ್ಟಿನ ಕಾನೂನುಗಳಿವೆ. ಆದರೂ, ಕಳೆದ ಎರಡು ವರ್ಷಗಳಲ್ಲಿ 1,419 ಬಾಲ್ಯವಿವಾಹ ಪ್ರಕರಣಗಳು ಮತ್ತು ಕಳೆದ ಮೂರು ವರ್ಷಗಳಲ್ಲಿ 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ 80,813 ಬಾಲಕಿಯರು ಗರ್ಭಿಣಿಯರಾಗಿರುವ ಪ್ರಕರಣಗಳು ದಾಖಲಾಗಿವೆ. ಭಾರತದಲ್ಲಿ ಬಾಲ್ಯವಿವಾಹವು ಕಟ್ಟುನಿಟ್ಟಿನ ಕಾನೂನುಗಳು ಮತ್ತು ಯೋಜನೆಗಳ ಹೊರತಾಗಿಯೂ ಸಾಮಾಜಿಕ ಸಮಸ್ಯೆಯಾಗಿಯೇ ಉಳಿದಿದೆ.

. ಇತ್ತೀಚೆಗೆ ಸುಪ್ರೀಂ ಕೋರ್ಟ್ ಮಹತ್ವದ ತೀರ್ಪನ್ನು ನೀಡಿದ್ದು, ಮುಟ್ಟಿನ ನೈರ್ಮಲ್ಯ–ಸೌಕರ್ಯಗಳು ಆರೋಗ್ಯದ ವಿಚಾರ ಮಾತ್ರವಲ್ಲ, ಅದೊಂದು ಸಾಂವಿಧಾನಿಕ ಹಕ್ಕು ಎಂದು ಹೇಳಿದೆ. ಮುಟ್ಟಿನ ಕುರಿತಾಗಿ ಇರುವ ಮೌಢ್ಯ ಹಾಗೂ ಕೀಳು ಭಾವನೆಯನ್ನು ತೊಡೆದುಹಾಕುವ ವಿಚಾರಕ್ಕೆ ಸುಪ್ರೀಂ ಕೋರ್ಟ್ನ ತೀರ್ಪು ಒತ್ತು ನೀಡಿದೆ. ಮುಟ್ಟಿನ ಮೌಢ್ಯಗಳು ಹೆಣ್ಣುಮಕ್ಕಳ ಘನತೆಯಿಂದ ಬದುಕುವ ಹಕ್ಕುಗಳನ್ನು ಕಸಿದುಕೊಂಡಿರುವಾಗ, ಸರ್ಕಾರ ಮುಟ್ಟಿನ ಕುರಿತಾದ ಮೌಢ್ಯಗಳ ವಿರುದ್ಧ ಜಾಗೃತಿ ಮೂಡಿಸಬೇಕಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಂಗತ | ಮುಟ್ಟು: ಪೂರ್ವಗ್ರಹಗಳಿಗೆ ಕೊನೆಯೆಂದು?

ಚಿನಕುರುಳಿ ಕಾರ್ಟೂನ್: ಮೇ 13 ಬುಧವಾರ 2026

ಚುರುಮುರಿ: ಕುರ್ಚಿ ಕೀಟಲೆ

ಸುದ್ದಿ ಗುದ್ದು | ತಿಂಗಳೇಶ: 2026ರ ಮೇ 13, ಬುಧವಾರ

ವಿಶ್ವಾಸಮತದ ವಿರುದ್ಧ ಮತ ಚಲಾವಣೆ: ಎಐಎಡಿಎಂಕೆ ನಿರ್ಧಾರ

IPL 2026: ಬೌಲಿಂಗ್ ಆಯ್ದುಕೊಂಡ ಆರ್‌ಸಿಬಿ, ಗೆದ್ದರೆ ಅಗ್ರಸ್ಥಾನಕ್ಕೆ

Video | RCB vs KKR: ಕೊಹ್ಲಿ ಶತಕದ ನಿರೀಕ್ಷೆಯಲ್ಲಿ ಆರ್‌ಸಿಬಿ ಅಭಿಮಾನಿಗಳು

IPL ನಿಯಮ ಉಲ್ಲಂಘನೆ: ಬಿಸಿಸಿಐನಿಂದ ಮತ್ತಷ್ಟು ಕಠಿಣ ನಿಯಮ

ಅಗ್ರಸ್ಥಾನದ ಮೇಲೆ RCB ಕಣ್ಣು, KKRಗೆ ಪ್ಲೇ ಆಫ್ ಆಸೆ: ಹೀಗಿದೆ ಉಭಯ ತಂಡಗಳ ಬಲಾಬಲ

ಒಳನೋಟ: ಭೂದಾಹಕ್ಕೆ ಕೆರೆಯಂಗಳ ಆಪೋಶನ

ಒಳನೋಟ | ಗೋವಾದಂತೆ ಮಂಗಳೂರು ಬೀಚ್‌ ಪ್ರವಾಸೋದ್ಯಮಕ್ಕೂ ʼಜೀವʼ ತುಂಬಬೇಕಿದೆ..

ಒಳನೋಟ: ಬೇಕು ತಾಲ್ಲೂಕು ಆಸ್ಪತ್ರೆಗೆ ‘ಚಿಕಿತ್ಸೆ’

ಒಳನೋಟ: ಮೃಗಾಲಯದಲ್ಲಿ ಮೂಕರೋದನ

ಚಿನಕುರುಳಿ ಕಾರ್ಟೂನ್: ಮೇ 13 ಬುಧವಾರ 2026

ಚುರುಮುರಿ: ಕುರ್ಚಿ ಕೀಟಲೆ

ಸುದ್ದಿ ಗುದ್ದು | ತಿಂಗಳೇಶ: 2026ರ ಮೇ 13, ಬುಧವಾರ

ವಿಶ್ವಾಸಮತದ ವಿರುದ್ಧ ಮತ ಚಲಾವಣೆ: ಎಐಎಡಿಎಂಕೆ ನಿರ್ಧಾರ