7
ಮಂಗಳವಾರ

ಮಂಗಳವಾರ, 2–7–1968

Published:
Updated:

ರೈಲ್ವೆ ಖಾತೆಯಿಂದ ಪೂಣಚ್ಚ ನಿರ್ಗಮನ ಖಚಿತ

ನವದೆಹಲಿ, ಜು. 1– ಈಗಾಗಲೇ ಬಹಳ ವಿಳಂಬವಾಗಿರುವ ಕೇಂದ್ರ ಮಂತ್ರಿಮಂಡಲದ ಖಾತೆಗಳ ಪುನರ್ ಹಂಚಿಕೆ ಇನ್ನು ಕೆಲವೇ ದಿನಗಳಲ್ಲಿ ತೀರ್ಮಾನವಾಗುವುದೆಂದು ಇಲ್ಲಿ ಬಲ್ಲ ವಲಯಗಳಿಂದ ಗೊತ್ತಾಗಿದೆ.

ರೈಲ್ವೆ ಶಾಖೆಯಿಂದ ಬದಲಾವಣೆಗೆ ಶ್ರೀ ಸಿ.ಎಂ. ಪೂಣಚ್ಚ ಅವರು ಕಾತುರರಾಗಿರುವವರೆಂಬುದು ರಹಸ್ಯ ವಿಷಯವೇನಲ್ಲ. ಡಾ. ಕೆ.ಎಲ್‌. ರಾವ್‌ ಅವರು ರೈಲ್ವೆ ಮಂತ್ರಿಯಾಗಬಹುದು.

ಅಣ್ವಸ್ತ್ರ ಕ್ಷಿಪಣಿ ವ್ಯವಸ್ಥೆ ಪರಿಮಿತಿ ಚರ್ಚೆಗೆ ರಷ್ಯ– ಅಮೆರಿಕ ಅಸ್ತು

ವಾಷಿಂಗ್ಟನ್, ಜು. 1– ಆಕ್ರಮಣಕಾರಕ ಹಾಗೂ ರಕ್ಷಣಾತ್ಮಕ ಅಣ್ವಸ್ತ್ರಗಳನ್ನು ಪರಿಮಿತಗೊಳಿಸುವ ಹಾಗೂ ಕಡಿಮೆ ಮಾಡಿಕೊಳ್ಳುವ ಬಗ್ಗೆ ‘ಸದ್ಯದಲ್ಲಿಯೇ’ ಚರ್ಚೆಗಳನ್ನು ಪ್ರಾರಂಭಿಸಲು ಅಮೆರಿಕ ಮತ್ತು ರಷ್ಯ ಒಪ್ಪಿರುವುದಾಗಿ ಅಧ್ಯಕ್ಷ ಜಾನ್ಸನ್ ಇಂದು ಪ್ರಕಟಿಸಿದರು.

ಅಣ್ವಸ್ತ್ರ ಪ್ರಸರಣ ನಿಷೇಧ ಒಪ್ಪಂದ ಸಹಿ ಮಾಡಲು 50 ರಾಷ್ಟ್ರಗಳ ರಾಯಭಾರಿಗಳು ಶ್ವೇತ ಭವನದಲ್ಲಿ ಸೇರಿದ್ದಾಗ ಜಾನ್ಸನ್ನರು ಅನಿರೀಕ್ಷಿತವಾಗಿ ಈ ವಿಷಯವನ್ನು ಪ್ರಕಟಿಸಿದರು.

ಕೊಯ್ನಾ–ಶರಾವತಿ ವಿದ್ಯುತ್ ವ್ಯವಸ್ಥೆ ಸಂಪರ್ಕ ಯೋಜನೆ

ಮುಂಬೈ, ಜು.1– ಕೊಯ್ನಾ– ಶರಾವತಿ ವಿದ್ಯುತ್ ವ್ಯವಸ್ಥೆಯ ಅಂತರ ಸಂಪರ್ಕವನ್ನು ಕುರಿತ ಯೋಜನೆಯ ವರದಿಗೆ ಮಹಾರಾಷ್ಟ್ರ ರಾಜ್ಯ ವಿದ್ಯುತ್ ಮಂಡಳಿ ತನ್ನ ಅಂಗೀಕಾರವಿತ್ತಿದೆ.

ಮಹಾರಾಷ್ಟ್ರದ ಕೊಯ್ನಾ ವಿದ್ಯುತ್ ವ್ಯವಸ್ಥೆ ಮತ್ತು ಮೈಸೂರಿನ ಶರಾವತಿ ವ್ಯವಸ್ಥೆ ನಡುವೆ ಅಂತರರಾಜ್ಯ ಸಂಪರ್ಕವನ್ನು ಸ್ಥಾಪಿಸಲು ಈ ಯೋಜನೆ ಸಹಾಯಕ.

ಸಚಿವ ಮಟ್ಟದ ಚರ್ಚೆಗೆ ಪಾಕಿಸ್ತಾನ ಸಲಹೆ

ನವದೆಹಲಿ, ಜು. 1– ಸಚಿವ ಮಟ್ಟದ ಮಾತುಕತೆ ನಡೆಸಲು ಸಲಹೆ ಮಾಡಿ ಪಾಕಿಸ್ತಾನ ಕೇಂದ್ರ ಸರ್ಕಾರಕ್ಕೆ ಪತ್ರ ಕಳುಹಿಸಿದೆ. ಸಂಬಂಧಪಟ್ಟ ಸಚಿವ ಶಾಖೆ ಇದನ್ನು ಪರಿಶೀಲಿಸುತ್ತಿದೆ.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !