ವಾಚಕರ ವಾಣಿ| ದುರಂತಗಳಿಂದ ಕಲಿಯದ ಪಾಠ

ಮನೆ, ಕಚೇರಿ, ಕಾರ್ಖಾನೆ, ರಸ್ತೆ... ಹೀಗೆ ನಾವು ಎಲ್ಲೇ ಇರಲಿ ‘ಸಂಭವನೀಯ ಅಪಘಾತಗಳ ವಿಶ್ಲೇಷಣೆ’ ನಮ್ಮ ಆದ್ಯತೆಯ ಸಂಸ್ಕೃತಿಯಾದರೆ ಮಾತ್ರ ಇಂತಹ ಅವಘಡಗಳನ್ನು ತಡೆಗಟ್ಟಬಹುದು. ಸುರಕ್ಷತೆಯ ವೈಫಲ್ಯದಿಂದ ಅವಘಡಗಳಾದಾಗ ಸಂತಾಪ, ಪರಿಹಾರ, ಆರೋಪ, ಪ್ರತ್ಯಾರೋಪಗಳು ಹೆಚ್ಚು ಚರ್ಚೆಯಾಗುತ್ತವೆ. ಆದರೆ ಅಷ್ಟೇ ಮುಖ್ಯವಾಗಿ, ಅಪಘಾತದ ಮೂಲ ಕಾರಣಗಳ ಬಗ್ಗೆ ಅರಿವು ಹಾಗೂ ಹಿಂದಿನ ದುರಂತಗಳಿಂದ ಕಲಿತ ಪಾಠಗಳು ಚರ್ಚೆಯ ವಿಚಾರವಾಗುವುದೇ ಇಲ್ಲ.⇒ಡಾ. ಜಿ.ಬೈರೇಗೌಡ,ಬೆಂಗಳೂರು