25 ವರ್ಷಗಳ ಹಿಂದೆ: ಸೋಮವಾರ 02-09-1996

‘ವಿಧಾನಸಭೆಯಲ್ಲಿ ಸರ್ಕಾರವನ್ನು ಬೀಳಿಸಲು ಯಾವುದೇ ಶಕ್ತಿಯಿಂದ ಸಾಧ್ಯವಿಲ್ಲ. ಎಲ್ಲ ವಿರೋಧ ಪಕ್ಷಗಳು ಸೇರಿ ಕೊಂಡರೂ ಇದು ಸಾಧ್ಯವಿಲ್ಲ’ ಎಂದು ಹೇಳಿದರು.

ದೆಹಲಿಯಿಂದ ನಗರಕ್ಕೆ ಬೆಳಿಗ್ಗೆ ಬಂದ ಮುಖ್ಯಮಂತ್ರಿ ಅವರು ತಮ್ಮ ನಿವಾಸದಲ್ಲಿ ಭೇಟಿ ಆದ ಪತ್ರಕರ್ತರೊಂದಿಗೆ ಮಾತನಾಡಿ, ವೇದಿಕೆಗೆ ಸೇರಿದ ಶಾಸಕರನ್ನು ‘ಉಂಡ ಮನೆಗೆ ಎರಡು ಬಗೆಯುವವರು’ ಎಂದು ಕರೆದರು. ಅವರೆಲ್ಲ ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಲಿ ಎಂದು ಸೂಚಿಸಿದರು.

ಹೊರ್ತಿ, ಚಿಕ್ಕೋಡಿಯಲ್ಲಿ ಗಾಳಿ ವಿದ್ಯುತ್ ಉತ್ಪಾದನಾ ಕೇಂದ್ರ
ಬೆಂಗಳೂರು, ಸೆ. 1– ಗಾಳಿಯ ಮೂಲಕ ವಿದ್ಯುತ್ ಉತ್ಪಾದಿಸಲು ಇಂಡಿ ತಾಲ್ಲೂಕಿನ ಹೊರ್ತಿ ಮತ್ತು ಬೆಳಗಾವಿ ಸಮೀಪದ ಚಿಕ್ಕೋಡಿ ಕೇಂದ್ರಗಳನ್ನು ಗುರುತಿಸಲಾಗಿದೆ.

ಕರ್ನಾಟಕ ವಿದ್ಯುತ್ ಮಂಡಳಿಯ ಸ್ಥಾನದಲ್ಲಿ ‘ಬದಲಿ ಇಂಧನ ಮೂಲ ಮತ್ತು ಮರುಬಳಕೆ ಇಂಧನ ಅಭಿವೃದ್ಧಿ’ಗಾಗಿ ರಾಜ್ಯ ಸರ್ಕಾರ ಇತ್ತೀಚೆಗೆ ನಿಯಂತ್ರಣ ಕೇಂದ್ರವಾಗಿ ನೇಮಿಸಿರುವ ‘ರಾಜ್ಯ ಬದಲಿ ಇಂಧನ ಅಭಿವೃದ್ಧಿ ಸಂಸ್ಥೆ’ಯ (ಕೆಆರ್‌ಇಡಿಎಲ್‌) ಮೊದಲ ಪ್ರಯತ್ನ ಇದು.