25 ವರ್ಷಗಳ ಹಿಂದೆ: ಮಂಗಳವಾರ, 19–12–1995

ವಿಶಾಲ ಮೈಸೂರು ಉದ್ಯಮ ಸಂಘ ಏರ್ಪಡಿಸಿದ್ದ ಸಭೆಯಲ್ಲಿ ಮಾತನಾಡುತ್ತಾ, ದೇಶದೊಳಗೆ ಬೆಲೆಯು ಹತೋಟಿಯಲ್ಲಿದ್ದರೆ ಮಾತ್ರವೇ ಡಾಲರಿಗೆದುರು ರೂಪಾಯಿ ಮೌಲ್ಯವನ್ನೂ ಉತ್ತಮ ಸ್ಥಿತಿಯಲ್ಲಿ ಉಳಿಸಿಕೊಳ್ಳುವುದು ಸಾಧ್ಯ ಎಂದರು.

ಟೆಲಿಕಾಂ ಹಗರಣ: ಸಂಸತ್‌ ಎದುರು ಧರಣಿ– ರಾಷ್ಟ್ರಪತಿಗೆ ಬಿಜೆಪಿ ಮೊರೆ
ನವದೆಹಲಿ, ಡಿ. 18 (ಪಿಟಿಐ)– ಟೆಲಿಕಾಂ ವಿವಾದದಿಂದಾಗಿ ಸಂಸತ್ತಿನ ಉಭಯ ಸದನಗಳಲ್ಲಿ ಇಂದು ಒಂಬತ್ತನೇ ದಿನವೂ ಯಾವುದೇ ಕಲಾಪ ನಡೆಯದೆ ಹೊಸ ದಾಖಲೆ ಸೃಷ್ಟಿಯಾಯಿತು. ಸರ್ಕಾರದ ನಿಲುವನ್ನು ಪ್ರತಿಭಟಿಸಿ ಬಿಜೆಪಿಯೇತರ ಪ್ರತಿಪಕ್ಷಗಳು ಸಂಸತ್‌ ಭವನದ ಮುಖ್ಯ ದ್ವಾರದಲ್ಲಿ ಧರಣಿ ನಡೆಸಿದವು.

ಟೆಲಿಕಾಂ ವಿವಾದಕ್ಕೆ ಸಂಬಂಧಿಸಿದ ಎಲ್ಲಾ ವಿಷಯಗಳ ಬಗ್ಗೆ ಪರಿಶೀಲಿಸಲು ಸಂಸದೀಯ ಸಮಿತಿ ರಚಿಸುವಂತೆ ಸರ್ಕಾರಕ್ಕೆ ಸಲಹೆ ಮಾಡಲು ರಾಷ್ಟ್ರಪತಿ ಡಾ. ಶಂಕರ ದಯಾಳ್‌ ಶರ್ಮಾ ಅವರನ್ನು ಬಿಜೆಪಿ ಆಗ್ರಹಪಡಿಸಿತು. ಅಟಲ್‌ ಬಿಹಾರಿ ವಾಜಪೇಯಿ ಅವರ ನೇತೃತ್ವದ ಬಿಜೆಪಿ ನಿಯೋಗ ಇಂದು ರಾಷ್ಟ್ರಪತಿಯವರನ್ನು ಭೇಟಿಯಾಗಿ ಮನವಿ ಸಲ್ಲಿಸಿತು.