ನವದೆಹಲಿ, ಸೆ. 8 – ಜನರು ತಮ್ಮ ಜೀವನದಲ್ಲಿ ಶಿಸ್ತು ತಂದುಕೊಂಡು ಬೆಲೆ ಏರಿಕೆ ಮತ್ತು ಅವಶ್ಯ ವಸ್ತುಗಳ ಅಭಾವ ಎದುರಿಸಲು ತೀರಾ ಅಗತ್ಯವಾದ ವಸ್ತುಗಳಷ್ಟನ್ನೇ ಕೊಳ್ಳಬೇಕೆಂದು ರಾಷ್ಟ್ರಪತಿ ಫಕ್ರುದ್ದೀನ್ ಅಲಿ ಅಹಮದ್ ಅವರು ಇಂದು ಹೇಳಿದರು.
ಭಗವಾನ್ ಮಹಾವೀರರ 25ನೇ ನಿರ್ವಾಣ ಶತಮಾನೋತ್ಸವ ಸಂದರ್ಭದಲ್ಲಿ ಅವರು ಮಾತನಾಡಿ, ಜನರು ತಮ್ಮ ಸ್ವಂತ ಆಕಾಂಕ್ಷೆಗಳಿಗಷ್ಟೇ ಗಮನ ಕೊಡುತ್ತಿರುವುದಕ್ಕಾಗಿ ವಿಷಾದ ವ್ಯಕ್ತಪಡಿಸಿದರು.
ನಿಕ್ಸನ್‌ಗೆ ಪೂರ್ಣ ಕ್ಷಮಾದಾನ ಫೋರ್ಡ್ ಪ್ರಕಟಣೆ
ವಾಷಿಂಗ್ಟನ್, ಸೆ. 8 – ಅಧ್ಯಕ್ಷರಾಗಿದ್ದ ಅವಧಿಯಲ್ಲಿ ಅಮೆರಿಕದ ವಿರುದ್ಧ ಎಸಗಿದ ಎಲ್ಲ ಅಪರಾಧಗಳ ಬಗ್ಗೆ ಮಾಜಿ ಅಧ್ಯಕ್ಷ ನಿಕ್ಸನ್ ಅವರನ್ನು ಅಮೆರಿಕದ ಅಧ್ಯಕ್ಷ ಫೋರ್ಡ್ ಇಂದು ಸಂಪೂರ್ಣವಾಗಿ ಕ್ಷಮಿಸಿದ್ದಾರೆ.
ವಾಟರ್‌ಗೇಟ್ ಹಗರಣದ ಒತ್ತಡದಿಂದ ನಿಕ್ಸನ್ ಅವರು ಅಮೆರಿಕದ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿದ ಹೆಚ್ಚು ಕಡಿಮೆ ಒಂದು ತಿಂಗಳ ಅವಧಿಯೊಳಗೆ ಕ್ಷಮಾದಾನದ ಕ್ರಮ ಕೈಗೊಳ್ಳಲಾಗಿದೆ.
