ಸೌಂದರ್ಯ ರಾಣಿ ಮಾಜಿ ವಿಶ್ವ ಸುಂದರಿ ಸುಶ್ಮಿತಾರನ್ನು ಕಾಣುವ ಭರದಲ್ಲಿ ಹಿರಿಯರು ಕಿರಿಯರೆನ್ನದೆ ಎಲ್ಲರೂ ಸೇರಿ ನಗುವ ಹೂಗಿಡಗಳನ್ನು ತುಳಿದು ನಲುಗಿಸಿದ್ದರು. ಹಸಿರು ಹುಲ್ಲುಗಾವಲಿನ ಮೇಲೆ ಕಂಡಲ್ಲಿ ಕಾಗದ, ಪ್ಲಾಸ್ಟಿಕ್, ಐಸ್ಕ್ರೀಂ ಕಡ್ಡಿಗಳು, ಒಡೆದ ಹೂ ಕುಂಡಗಳ ಅವಶೇಷಗಳು, ನಲುಗಿದ ಗಿಡಬಳ್ಳಿಗಳು ಸೌಂದರ್ಯ ಉಳಿಸುವ ಈ ಕಾರ್ಯಕ್ರಮಕ್ಕೆ ಮೂಕ ಸಾಕ್ಷಿಯಂತೆ ನಿಂತಿದ್ದವು. ಕಾರ್ಯಕ್ರಮದ ನಂತರ ಇಡೀ ಪ್ರದೇಶ ಆನೆಯ ಹಾವಳಿಗೆ ಸಿಕ್ಕಿದ ಕಬ್ಬಿನ ತೋಟದಂತಾಗಿತ್ತು.
