ಇವತ್ತು 50: ಇದೇ ದಿನ 50 ವರ್ಷಗಳ ಹಿಂದೆ

ಇವತ್ತು ಐವತ್ತು, ಈ ಅಂಕಣದಲ್ಲಿ 1976ರ ಮೇ 6ರಂದು ಪ್ರಜಾವಾಣಿ ಪತ್ರಿಕೆಯಲ್ಲಿ ಪ್ರಕಟಗೊಂಡ ಪ್ರಮುಖ ಸುದ್ದಿಗಳ ಆಯ್ದ ಕೆಲವನ್ನು ಇಲ್ಲಿ ನೀಡಲಾಗಿದೆ. ಆ ದಿನವನ್ನು ಮತ್ತೊಮ್ಮೆ ಮೆಲಕು ಹಾಕೋಣ.

. 1976ರ ಮೇ 6ರಂದು ಪ್ರಜಾವಾಣಿ ಪತ್ರಿಕೆಯಲ್ಲಿ ಕಾರ್ಟೂನ್ ಪ್ರಕಟಗೊಂಡಿದೆ. ‘ತಿಂಡಿ ತೂಕದಲ್ಲಿ ವ್ಯತ್ಯಾಸ ಆಗಿದ್ರೆ ಇಲ್ಲಿ ನಿಲ್ಲಿ ಸಾರ್, ತಿಳೀತದೆ..!’ ಎಂಬ ಸಂಭಾಷಣೆ ಇದೆ.

. ರಾಜ್ಯದ ಮೊದಲ ಅನಲಾಗ್ ಟೆರೆಸ್ಟ್ರಿಯಲ್ ಟ್ರಾನ್ಸ್ಮಿಟರ್ ಅನ್ನು ಕಲಬುರಗಿಯಲ್ಲಿ ಸ್ಥಾಪಿಸಲಾಗಿತ್ತು. ಈ ಕೇಂದ್ರದ ವಿಶೇಷವೆಂದರೆ, ಸಾಕ್ಷರತೆ, ಆರೋಗ್ಯ, ಕೃಷಿ, ಕಲೆ ಮತ್ತು ಸಂಸ್ಕೃತಿಗೆ ಸಂಬಂಧಿಸಿದ ಕಾರ್ಯಕ್ರಮಗಳನ್ನು ಪ್ರಾದೇಶಿಕ ಭಾಷೆ ಕನ್ನಡದಲ್ಲಿ ಪ್ರಸಾರ ಮಾಡಲಾಗುತ್ತಿತ್ತು.

. ಭಾರತದ ಪ್ರಪ್ರಥಮ ‘ತೂಗಾಡುವ ಗೈಡರ್’ ಅನ್ನು ಚಂದ್ರನ್ ಎಂಬುವವರು ತಯಾರಿಸಿದ್ದರು. ಇದರ ಪರೀಕ್ಷೆಯನ್ನು ಬೆಂಗಳೂರಿನ ಹೆಸರಘಟ್ಟದಲ್ಲಿರುವ ಗುಡ್ಡದಿಂದ ಕೆಳಕ್ಕೆ ತೇಲಿಕೊಂಡು ಇಳಿಯುವ ಮೂಲಕ ಮಾಡಲಾಯಿತು. ಈ ಮೂಲಕ ಚಂದ್ರನ್ ಗೈಡರ್ನ ಪ್ರಥಮ ಚಾಲಕರಾದರು.

. ರಾಜ್ಯದಲ್ಲಿ ವನ್ಯಜೀವಿ ಸಂರಕ್ಷಣೆಯನ್ನು ಗಮನದಲ್ಲಿಟ್ಟುಕೊಂಡು ₹6 ಲಕ್ಷ ವೆಚ್ಚದಲ್ಲಿ ಮೇಲುಕೋಟೆ ಸಮೀಪ ತೋಳ ರಕ್ಷಣೆ ಧಾಮದ ಸ್ಥಾಪನೆಗೆ ಕೇಂದ್ರ ಒಪ್ಪಿ ಅನುಮೋದಿಸಿತ್ತು. ಇಂದಿಗೂ ಈ ಧಾಮವಿದ್ದು, 6,857.37 ಹೆಕ್ಟೇರ್ಗಳಲ್ಲಿ ಹರಡಿಕೊಂಡಿದೆ.

. ಭಾರತೀಯ ರೈಲ್ವೆಯ ಐತಿಹಾಸಿಕ ಎಂಜಿನ್ಗಳ ಭಾವಚಿತ್ರವಿರುವ 4 ಬಗೆಯ ಅಂಚೆಚೀಟಿಗಳನ್ನು ಅಂಚೆ ಮತ್ತು ತಂತಿ ಇಲಾಖೆ ಬಿಡುಗಡೆ ಮಾಡಿತ್ತು. ಇವುಗಳ ಬೆಲೆ 25 ಪೈಸೆ, 59 ಪೈಸೆ, 100 ಪೈಸೆ ಹಾಗೂ 200 ಪೈಸೆ ಇರುವುದು ವಿಶೇಷ.

. 70 ರ ದಶಕದಲ್ಲಿ ಮಿದುಳು, ಪಿತ್ತ ಜನಕಾಂಗ ಹಾಗೂ ದೇಹದ ಇತರ ಭಾಗಗಳನ್ನು ಪರೀಕ್ಷಿಸಲು ಉಪಯೋಗಿಸುತ್ತಿದ್ದ ಸಾಧನವಿದು. ಕ್ಯಾನ್ಸರ್ ರೋಗವನ್ನು ಪತ್ತೆ ಹಚ್ಚುವ ಸಾಮರ್ಥ್ಯವು ಈ ಸಾಧನಕ್ಕಿತ್ತು.

. ಸರ್ಕಾರಿ ನೌಕರರ ಸೇವಾ ವ್ಯವಸ್ಥೆಯಲ್ಲಿ ಉದ್ಭವಿಸುವ ತಕರಾರುಗಳನ್ನು ನ್ಯಾಯಾಲಯಗಳಿಗೆ ಒಯ್ಯುವ ಅವಕಾಶವಿದ್ದು, ಇದರಿಂದ ಉದ್ಭವಿಸುವ ಸಮಸ್ಯೆಗಳ ಕುರಿತು ‘ಪಂಚಾಯಿತಿಗಳು’ ಎಂಬ ಶೀರ್ಷಿಕೆ ಅಡಿಯಲ್ಲಿ ಪ್ರಜಾವಾಣಿ ಪತ್ರಿಕೆಯು 1976ರ ಮೇ 6ರಂದು ಸಂಪಾದಕೀಯ ಪ್ರಕಟಿಸಿತ್ತು.