ಇವತ್ತು 50: ಇದೇ ದಿನ 50 ವರ್ಷಗಳ ಹಿಂದೆ

ಇವತ್ತು ಐವತ್ತು, ಈ ಅಂಕಣದಲ್ಲಿ 1976ರ ಮೇ 18ರಂದು ಪ್ರಜಾವಾಣಿ ಪತ್ರಿಕೆಯಲ್ಲಿ ಪ್ರಕಟಗೊಂಡ ಪ್ರಮುಖ ಸುದ್ದಿಗಳಲ್ಲಿ ಆಯ್ದ ಕೆಲವನ್ನು ಇಲ್ಲಿ ನೀಡಲಾಗಿದೆ. ಆ ದಿನವನ್ನು ಮತ್ತೊಮ್ಮೆ ಮೆಲುಕು ಹಾಕೋಣ.

. 1976ರ ಮೇ 18 ರಂದು ಪ್ರಜಾವಾಣಿಯಲ್ಲಿ ಪ್ರಕಟವಾದ ಚಿನಕುರಳಿ. ‘ಯಾಕ್ಸಾಮಿ ರೇಗ್ತಿರಾ..... ನಾನ್ ಕೈ ನೀಡೋದು.... ನೀವು ಆಫೀಸಿನಲ್ಲಿ ಕೈ ನೀಡೋದು... ಎಲ್ಡೂ ಒಂದೇ.....’

. 1976 ರಲ್ಲಿ ಮಲೇರಿಯಾ ರೋಗವು ನಿಧಾನವಾಗಿ ಉಲ್ಬಣವಾಗಲು ಶುರುವಾಗಿತ್ತು. ಇದೇ ವೇಳೆ ಪದುಚೇರಿಯ ಆರೋಗ್ಯ ವಿಜ್ಞಾನ ಸಂಶೋಧನಾ ಸಂಸ್ಥೆಯು ಸೊಳ್ಳೆಯ ಮೊಟ್ಟೆಗಳನ್ನು ತಿನ್ನುವ ಕೀಟವೊಂದನ್ನು ಅನ್ವೇಷಣೆ ಮಾಡಿದ ವರದಿಯನ್ನು ಪ್ರಜಾವಾಣಿ ಪ್ರಕಟಿಸಿತ್ತು.

. 1976ರಲ್ಲಿ ವಿಧಾನ ಪರಿಷತ್ತಿಗಾಗಿ ನಡೆದ ಚುನಾವಣೆಯಲ್ಲಿ ಏಳು ಸ್ಥಾನಗಳಿಗೆ 9 ಅಭ್ಯರ್ಥಿಗಳು ಸ್ಫರ್ಧಿಸಿದ್ದರು ಎಂಬ ರಾಜಕೀಯ ಸುದ್ದಿಯನ್ನು ಪ್ರಜಾವಾಣಿ ಪ್ರಕಟಿಸಿತ್ತು.

. 1976ರಲ್ಲಿ ಬಾಲ್ ಪಾಯಿಂಟ್ ಪೆನ್ನುಗಳಿಗೆ ಅಧಿಕೃತವಾಗಿ ಸರ್ಕಾರದಿಂದ ಮನ್ನಣೆ ನೀಡಲಾಗಿತ್ತು. ಸರ್ಕಾರದ ಯಾವುದೇ ಲೆಕ್ಕಪತ್ರಗಳು ಹಾಗೂ ಸಹಿ ಮಾಡುವವರು ಬಾಲ್ ಪೆನ್ನಿನ ಬಳಕೆ ಮಾಡಬಹುದು ಎಂದು ಪತ್ರಿಕಾ ಹೇಳಿಕೆಯನ್ನು ಬಿಡುಗಡೆಗೊಳಿಸಿತ್ತು.

. 1976ರ ಮೇ 18ರಂದು ಪ್ರಜಾವಾಣಿ ಪತ್ರಿಕೆಯು ‘ದುರ್ಮಿಶ್ರಣ ನಿಷೇಧ’ ಎಂಬ ಶೀರ್ಷಿಕೆ ಅಡಿಯಲ್ಲಿ, ಆಹಾರ ಪದಾರ್ಥಗಳಲ್ಲಿ ದುರ್ಮಿಶ್ರಣಕ್ಕೆ ಸಂಬಂಧಿಸಿದಂತೆ ಸರ್ಕಾರ ಜಾರಿ ಮಾಡಲಿರುವ ಶಾಸನದ ಕುರಿತು ಸಂಪಾದಕೀಯ ಪ್ರಕಟಿಸಿತ್ತು.