ನಕಲಿ ಮಾರ್ಕ್ಸ್‌ಕಾರ್ಡ್‌ ಪ್ರಕರಣ: ರಾಜ್ಯದಲ್ಲಿ 48 ಜನರ ಬಂಧನ
ಬೆಂಗಳೂರು, ಸೆಪ್ಟೆಂಬರ್ 18– ಮೈಸೂರು ವಿಶ್ವವಿದ್ಯಾಲಯದ ವಿವಿಧ ಪರೀಕ್ಷೆಗಳ ಹಾಗೂ ರಾಜ್ಯದ ಎಸ್‌.ಎಸ್‌.ಎಲ್‌.ಸಿ. ಪರೀಕ್ಷೆಯಲ್ಲಿ ನಕಲಿ ಮಾರ್ಕ್ಸ್‌ಕಾರ್ಡುಗಳ ಚಲಾವಣೆಯ ಅನೇಕ ಪ್ರಕರಣಗಳು ಬೆಳಕಿಗೆ ಬಂದಿವೆ.
ಮೈಸೂರು ವಿಶ್ವವಿದ್ಯಾಲಯದ ಪಿ.ಯು.ಸಿ., ಬಿ.ಎಸ್ಸಿ. ಮುಂತಾದ ಪರೀಕ್ಷೆಗಳಿಗೆ ಸಂಬಂಧಿಸಿದ 65 ನಕಲಿ ಮಾರ್ಕ್ಸ್‌ಕಾರ್ಡುಗಳನ್ನು ವಶಪಡಿಸಿಕೊಂಡ ರಾಜ್ಯದ ಸಿ.ಐ.ಡಿ. ಪೊಲೀಸರು ಇಬ್ಬರು ವಿದ್ಯಾರ್ಥಿನಿಯರು ಹಾಗೂ ಮಂಡ್ಯದ ಕಲ್ಲಹಳ್ಳಿಯ ಶಿವಸ್ವಾಮಿ ಎಂಬುವರನ್ನು ಸೇರಿಸಿ ಒಟ್ಟು 48 ಮಂದಿಯನ್ನು ಬಂಧಿಸಿದ್ದಾರೆ.
