ಅಮೆರಿಕ ನೆರವು ನಿಲ್ಲಿಸಿದ ಹಿನ್ನೆಲೆಯಲ್ಲಿ ರಾಷ್ಟ್ರದ ಆರ್ಥಿಕ ಪರಿಸ್ಥಿತಿ ಸಮೀಕ್ಷೆ
ನವದೆಹಲಿ, ಜ. 4– ಅಮೆರಿಕವು ಆರ್ಥಿಕ ನೆರವು ನಿಲ್ಲಿಸಿರುವುದರಿಂದ ರಾಷ್ಟ್ರದ ಹಣಕಾಸು ಪರಿಸ್ಥಿತಿ ಮೇಲೆ ಉಂಟಾಗಿರುವ ಪರಿಣಾಮವನ್ನು ಸಂಪುಟದ ರಾಜಕೀಯ ವ್ಯವಹಾರಗಳ ಸಮಿತಿ ಇಂದು ಚರ್ಚಿಸಿತು.
ಈ ಹಿನ್ನೆಲೆಯಲ್ಲಿ ವಿದೇಶಿ ವಿನಿಮಯ ಸಂಚಿತ ನಿಧಿಗಳ ಪರಿಸ್ಥಿತಿಯನ್ನು ಸಮಿತಿ ಪರಿಶೀಲಿಸಿತು.
ತುರ್ತು ಅಗತ್ಯವಿರುವ ಉಕ್ಕು ರಾಸಾಯನಿಕ ಗೊಬ್ಬರಗಳು, ಲೋಹಗಳು ಹಾಗೂ ಬಿಡಿಭಾಗಗಳ ಉತ್ಪಾದನೆಯನ್ನು ರಾಷ್ಟ್ರದಲ್ಲಿ ಹೆಚ್ಚಿಸುವುದರ ಜತೆಗೆ ಬೇರೆ ಮೂಲಗಳಿಂದ ಪಡೆಯುವ ಕ್ರಮಗಳನ್ನು ಸಮಿತಿ ಚರ್ಚಿಸಿತು.
