ದೇಶದಾದ್ಯಂತ ಎಲ್ಲಾ ಹೆದ್ದಾರಿಗಳಲ್ಲಿ ಪ್ರತೀ 60 ಕಿ.ಮೀಗೆ ಒಂದೇ ಟೋಲ್‌ ಸಂಗ್ರಹ ಕೇಂದ್ರ ಇರಲಿದ್ದು, 60 ಕಿ.ಮೀ. ಅಂತರದ ನಡುವೆ ಇರುವಂತಹ ಹೆಚ್ಚುವರಿ ಟೋಲ್‌ ಬೂತ್‌ಗಳನ್ನು ಮೂರು ತಿಂಗಳೊಳಗಾಗಿ ಮುಚ್ಚಲಾಗುವುದು ಎಂಬ, ಕೇಂದ್ರ ಹೆದ್ದಾರಿ ಮತ್ತು ಸಾರಿಗೆ ಸಚಿವರ ಹೇಳಿಕೆಯು ವಾಹನ ಸವಾರರಿಗೆ ಸ್ವಲ್ಪಮಟ್ಟಿಗೆ ನಿರಾಳ ಭಾವ ಉಂಟುಮಾಡಿದೆ. 60 ಕಿ.ಮೀ. ಅಂತರದಲ್ಲಿ ಎರಡು– ಮೂರು ಟೋಲ್‌ ಬೂತ್‌ಗಳು ಇರುವುದಲ್ಲದೆ, ಕೆಲವು ಕಡೆ 7 ಕಿ.ಮೀ. ಅಂತರದಲ್ಲೂ ಎರಡೆರಡು ಟೋಲ್‌ ಬೂತ್‌ಗಳು ಇವೆ. ಸಾರಿಗೆ ಸಚಿವರ ಈ ಕ್ರಮ, ಪ್ರಯಾಣದ ಅವಧಿ ಕಡಿಮೆ ಮಾಡುವುದರೊಂದಿಗೆ ವಾಹನ ಸವಾರರಿಗೆ ಟೋಲ್‌ ಕಿರಿಕಿರಿಯನ್ನೂ ತಗ್ಗಿಸುತ್ತದೆ. ಕೊನೆಗೂ ಸಾರಿಗೆ ಸಚಿವರು ಟೋಲ್‌ ಶುಲ್ಕ ನಿಯಮಾವಳಿಗೆ ಬದ್ಧರಾಗಿದ್ದು ಸಂತಸದ ವಿಷಯ. ಆದರೆ, ಈ ದಿಸೆಯಲ್ಲಿ ಆಗುವ ನಷ್ಟವನ್ನು ಟೋಲ್‌ ಶುಲ್ಕವನ್ನು ಏರಿಸುವುದರ ಮೂಲಕ ಸಮೀಕರಿಸದಿರಲಿ.
