ಜಿಲ್ಲಾಧಿಕಾರಿಗೆ ಹೊಡೆಯುವ ಹಕ್ಕಿಲ್ಲ

ಜಿಲ್ಲಾಧಿಕಾರಿ ತನ್ನ ಅಧೀನ ನೌಕರನಿಗೆ ಕಪಾಳಮೋಕ್ಷ ಮಾಡಲು ಯಾವುದೇ ಅಧಿಕಾರ ಇರುವುದಿಲ್ಲ. ಕಂದಾಯ ಅಧಿಕಾರಿಯು ತನ್ನ ಕರ್ತವ್ಯದಲ್ಲಿ ತಪ್ಪೆಸಗಿದ್ದರೆ, ಲೋಪವುಂಟು ಮಾಡಿದ್ದರೆ ಆತನನ್ನು ಸೇವೆಯಿಂದ ಅಮಾನತು ಮಾಡಲಿ ಅಥವಾ ಇನ್ಯಾವುದೇ ಶಿಸ್ತು ಕ್ರಮ ಜರುಗಿಸಲಿ. ಅವರಿಗೆ ಈ ಬಗೆಯ ಅಧಿಕಾರವಿದೆ. ಅದು ಬಿಟ್ಟು, ಸಾರ್ವಜನಿಕವಾಗಿ ಕಪಾಳಮೋಕ್ಷ ಮಾಡುವುದು ಎಷ್ಟು ಸರಿ?

ಆರೋಪಿಗಳನ್ನು ಹೊಡೆಯಲು ಪೊಲೀಸರಿಗೇ ಅವಕಾಶವಿಲ್ಲ. ವಿದ್ಯಾರ್ಥಿಗಳಿಗೆ ಶಿಕ್ಷಕರು ದೈಹಿಕ ಶಿಕ್ಷೆ ನೀಡದೆ ಬುದ್ಧಿಮಾತಲ್ಲೇ ಪಾಠ ಕಲಿಸಬೇಕೆಂದು ನಿರೀಕ್ಷಿಸಲಾಗುತ್ತದೆ. ಅಂತಹುದರಲ್ಲಿ ಜಿಲ್ಲಾಧಿಕಾರಿಯೊಬ್ಬರು ತಮ್ಮ ಅಧೀನ ನೌಕರನಿಗೆ ಕಪಾಳಮೋಕ್ಷ ಮಾಡಿದ್ದು ಅಪರಾಧ.

-ಲಕ್ಷ್ಮೀಕಾಂತರಾಜು ಎಂ.ಜಿ.,ಮಠಗ್ರಾಮ, ಗುಬ್ಬಿ