ಸಾರ್ವಜನಿಕ ಸ್ಥಳದಲ್ಲಿ ಉಗುಳಿದರೆ ಮತ್ತು ಮಾಸ್ಕ್ ಧರಿಸದಿದ್ದರೆ ದಂಡ ವಿಧಿಸುವ ಸರ್ಕಾರದ ನಿರ್ಧಾರ ಅಭಿನಂದನಾರ್ಹ. ವಿದೇಶಗಳಲ್ಲಿರುವ ಅಚ್ಚುಕಟ್ಟುತನ, ಸಾರಿಗೆ ನಿಯಮ ಪಾಲನೆ ಇತ್ಯಾದಿಗಳನ್ನು ತಿಳಿದಾಗ ನಾವು ಅಲ್ಲಿಯ ಪ್ರಜೆಗಳನ್ನು ಪ್ರಶಂಸಿಸುತ್ತೇವೆ. ಕೊರೊನಾ ಸೋಂಕು ಕಾಣಿಸಿಕೊಂಡ ನಂತರ ನಾವು ಸಹ ಮನೆಗಳಿಂದ ಹೊರಬರದೆ ನಮ್ಮ ನಮ್ಮ ಮನೆಯ ಬೀದಿ, ಗಲ್ಲಿ, ರಸ್ತೆಗಳಲ್ಲಿ ಎಲ್ಲೂ ಉಗುಳದೆ, ಸ್ವಚ್ಛಂದವಾದ ಪರಿಸರದಲ್ಲಿ ವಾಸಿಸುತ್ತಿದ್ದೇವೆ.