ಪ್ರಜಾತಂತ್ರದ ಪ್ರಹಸನದಲ್ಲಿ ಮೂಕಪ್ರೇಕ್ಷಕನಾದ ಪ್ರಜೆ

‘ನಾನು ಅಧಿಕಾರಕ್ಕೆ ಅಂಟಿಕೊಂಡು ಕೂರುವವನಲ್ಲ. ನನಗೆ ಕುರ್ಚಿಯ ವ್ಯಾಮೋಹವಿಲ್ಲ. ನಾನು ಕೇವಲ ಸಾಂದರ್ಭಿಕ ಶಿಶು’ ಎಂಬ ಮಾತನ್ನು ಮುಖ್ಯಮಂತ್ರಿ ಒಂದೆಡೆ ಹೇಳಿದ್ದಾರೆ. ಮತ್ತೊಂದು ಕಡೆ, ಸರ್ಕಾರವನ್ನು ಉಳಿಸಿಕೊಳ್ಳಲು ಶತಾಯಗತಾಯ ಪ್ರಯತ್ನ ನಡೆಸಿ, ವಿಶ್ವಾಸಮತ ಪ್ರಕ್ರಿಯೆಯನ್ನು ಎಳೆದಾಡತೊಡಗಿದ್ದಾರೆ. ಆ ಮಾತು ಮತ್ತು ಈ ನಡೆ ನಡುವೆ ವಿರೋಧಾಭಾಸ ಇಲ್ಲವೇ!? ಸದನದ ಕಲಾಪವನ್ನು ನಾವೆಲ್ಲಾ ಕುತೂಹಲದಿಂದ ವೀಕ್ಷಿಸಿದ್ದೇ ವೀಕ್ಷಿಸಿದ್ದು. ಆದರೆ, ತಾರ್ಕಿಕ ಅಂತ್ಯ ಮುಟ್ಟಲೇ ಇಲ್ಲ.