ಗರ್ಭಿಣಿಯೊಬ್ಬರಿಗೆ ರಾತ್ರಿ ಹತ್ತು ಗಂಟೆ ಸಮಯದಲ್ಲಿ ವಿಶೇಷ ಮೆಟ್ರೊ ರೈಲಿನ ವ್ಯವಸ್ಥೆ ಮಾಡಿಕೊಟ್ಟ ಹೈದರಾಬಾದ್ ಮೆಟ್ರೊ ಅಧಿಕಾರಿಗಳ ನಡೆ ಅತ್ಯಂತ ಅಭಿನಂದನಾರ್ಹ. ಭಾರಿ ಮಳೆಯಿಂದ ಜಲಾವೃತವಾಗಿದ್ದ ರಸ್ತೆಗೆ ಯಾವುದೇ ವಾಹನ ಇಳಿಯದಿದ್ದರಿಂದ, ಮನೆಗೆ ತೆರಳುವ ಮಾರ್ಗ ತೋಚದೆ ಆ ಮಹಿಳೆ ಕಂಗಾಲಾಗಿದ್ದಾಗಿ ವರದಿಯಾಗಿದೆ. ಕೊರೊನಾ ಕಾರಣದಿಂದ ರಾತ್ರಿ 9 ಗಂಟೆವರೆಗೆ ಮಾತ್ರ ಮೆಟ್ರೊ ಸಂಚಾರ ಇರುತ್ತದೆ. ಆದರೂ ನಂತರ ಬಂದ ಮಹಿಳೆಯ ಮನವಿಗೆ ಅಧಿಕಾರಿಗಳು ಓಗೊಟ್ಟಿರುವುದು ಶ್ಲಾಘನೀಯ.
