ರಾಜ್ಯದ ಗ್ರಾಮ ಪಂಚಾಯಿತಿಗಳ ವ್ಯಾಪ್ತಿಯಲ್ಲಿ 14.6.2013ರಿಂದ ಈಚೆಗೆ ನೋಂದಣಿಯಾದ ನಿವೇಶನಗಳಿಗೆ ಇ- ಖಾತೆ ಮಾಡಲಾಗುತ್ತಿಲ್ಲ. ಇದರಿಂದ ನಿವೇಶನದ ಪರಭಾರೆ ಸಾಧ್ಯವಾಗುತ್ತಿಲ್ಲ. ಮನೆ ನಿರ್ಮಿಸಿಕೊಳ್ಳಲು ಬ್ಯಾಂಕಿ ನಿಂದ ಸಾಲ ಸೌಲಭ್ಯ ಸಹ ಲಭಿಸುತ್ತಿಲ್ಲ. ನಿವೇಶನದಾರರು ಇತ್ತೀಚಿನ ಮಾಹಿತಿಗೆ ಪಂಚಾಯಿತಿ ಕಚೇರಿಗೆ ಪದೇ ಪದೇ ಅಲೆಯುವಂತಾಗಿದೆ. ಆದ್ದರಿಂದ ಸಂಬಂಧಿಸಿದ ಇಲಾಖೆ ಈ ಕುರಿತು ಶೀಘ್ರ ಕ್ರಮ ಕೈಗೊಂಡರೆ, ವಿಶೇಷವಾಗಿ ಇಳಿವಯಸ್ಸಿನಲ್ಲಿ ಒಂದು ಗೂಡು ಕಟ್ಟಿಕೊಳ್ಳಲು ಹಂಬಲಿಸುವ ಹಿರಿಯ ನಾಗರಿಕರಿಗೆ ಸಹಾಯವಾಗುತ್ತದೆ.