ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯು (ಬಿಬಿಎಂಪಿ) ಜರ್ಮನಿಯಿಂದ ಲೋಹದ ಕಸದ ಡಬ್ಬಿಗಳನ್ನು ಆಮದು ಮಾಡಿಕೊಂಡಿರುವುದು (ಪ್ರ.ವಾ., ಫೆ.16) ವಿಪರ್ಯಾಸ. ರಫ್ತಿಗಿಂತ ಆಮದಿಗೆ ನಾವು ಹೆಚ್ಚು ಒತ್ತು ಕೊಡುತ್ತಿದ್ದೇವೆ. ದಶಕಗಳಿಂದಲೂ ಇದೇ ಪರಿಪಾಟ. ಉದ್ಯೋಗ ಸೃಷ್ಟಿ ಎನ್ನುವುದು ಪಕ್ಷಗಳ ಪ್ರಣಾಳಿಕೆಯಲ್ಲಿ ಮಾತ್ರ ಉಳಿಯುವ ಭರವಸೆಯಾಗಿದೆ. ಎಲ್ಲದಕ್ಕೂ ವಿದೇಶಗಳ ಮೇಲೆ ಅವಲಂಬನೆಯಾದರೆ, ಇನ್ನೆಲ್ಲಿ ಉದ್ಯೋಗ ಸೃಷ್ಟಿ? ಇಲ್ಲಿನ ನಿರುದ್ಯೋಗ ಸಮಸ್ಯೆ ಹೇಗೆ ನಿವಾರಣೆ ಆಗುತ್ತದೆ?
