ಪಟಾಕಿ ತಯಾರಿಕೆಯಲ್ಲಿ ವಿಷಕಾರಿ ರಾಸಾಯನಿಕಗಳ ಬಳಕೆ ಗಂಭೀರವಾದದ್ದು ಎಂದು ಸುಪ್ರೀಂ ಕೋರ್ಟ್ ಅಭಿಪ್ರಾಯಪಟ್ಟಿದೆ (ಪ್ರ.ವಾ., ಸೆ. 30). ಸರಿಯೇ, ನಮ್ಮ ದೇಶದಲ್ಲಿ ವರ್ಷದುದ್ದಕ್ಕೂ ವಿವಿಧ ಕಾರಣಗಳಿಗಾಗಿ ಪಟಾಕಿ ಸುಡುವ ವಿಚಿತ್ರ ಖಯಾಲಿಯೊಂದು ಇತ್ತೀಚೆಗೆ ಸಾಂಕ್ರಾಮಿಕವಾಗಿದೆ. ಹಬ್ಬ, ಜಾತ್ರೆ, ಮದುವೆ, ಶವಯಾತ್ರೆ, ಚುನಾವಣಾ ಗೆಲುವು ಅಲ್ಲದೆ ಕೆಲವು ವೇಳೆ ಪ್ರಾಣಿಪಕ್ಷಿಗಳನ್ನು ಹೆದರಿಸಲು ಸಹ ಪಟಾಕಿ ಸುಡುವುದು ಸರ್ವೇಸಾಮಾನ್ಯ ಎಂಬಂತಾಗಿದೆ. ಈ ಪಟಾಕಿಗಳು ಯಾವ ರಾಸಾಯನಿಕ ವಸ್ತುಗಳಿಂದ ಮಾಡಲ್ಪಟ್ಟಿವೆ? ಅವುಗಳ ಬಳಕೆ ಸುರಕ್ಷಿತವೇ? ಪಟಾಕಿ ಬಳಕೆ ಪರಿಸರಕ್ಕೆ ಮಾರಕವೇ ಎನ್ನುವುದೆಲ್ಲಾ ಸಾಮಾನ್ಯ ಜನರಿಗೆ ಬೇಡದ ವಿಚಾರ. ಅವರ ನಿರೀಕ್ಷೆ ಒಂದೇ, ತಾವು ಖರೀದಿಸುವ ಪಟಾಕಿ ಕಡಿಮೆ ಬೆಲೆಯದ್ದಾಗಿರಬೇಕು ಜೊತೆಗೆ ಅಕ್ಕಪಕ್ಕದವರ ಕಿವಿ ತಮಟೆ ಹರಿದುಹೋಗುವಂತೆ ಶಬ್ದ ಹೊರಡಿಸಬೇಕು!