ಇನ್ನು ಮತ ಚಲಾವಣೆ ಸಮಾಜದ ಕಟ್ಟಕಡೆಯ ವ್ಯಕ್ತಿಯ ಹಕ್ಕು ಮತ್ತು ಕರ್ತವ್ಯವೆಂದು ವ್ಯವಸ್ಥೆ ವಾದಿಸಬಹುದು. ಆದರೆ ಸಮಾನ ಆರೋಗ್ಯ ಸೌಲಭ್ಯಗಳು ಸಮಾಜದ ಕಟ್ಟಕಡೆಯ ವ್ಯಕ್ತಿಗೂ ತಲುಪಿವೆಯೇ ಎಂಬ ಬಗ್ಗೆ ಆತ್ಮಾವಲೋಕನವೂ ನಡೆಯಬೇಕಾಗಿದೆ. ಅಶಕ್ತರು, ಹಿರಿಯ ಜೀವಗಳನ್ನು ಬಲವಂತವಾಗಿ ಮತಗಟ್ಟೆಗೆ ಕರೆತರುವುದರ ಬದಲು, ಅವರು ಇರುವಲ್ಲಿಗೇ ಹೆಚ್ಚುವರಿ ಚುನಾವಣಾ ಅಧಿಕಾರಿಗಳು ಹೋಗಿ, ಅವರಿಂದ ಮತದಾನ ಮಾಡಿಸಿಕೊಂಡು ಬರುವಂತಹ ವ್ಯವಸ್ಥೆ ಆಗಬೇಕು.