ಸಮ್ಮಿಶ್ರ ಸರ್ಕಾರದಲ್ಲಿ ಆಡಳಿತಾರೂಢ ಪಕ್ಷಗಳ ಎಲ್ಲ ಶಾಸಕರೂ ಮಂತ್ರಿಗಳೇ ಆಗಬೇಕೆಂದರೆ ಹೇಗೆ ಸಾಧ್ಯ? ಅಧಿಕಾರದ ಮೇಲಿನ ಆಸೆ ತಪ್ಪಲ್ಲ. ಆದರೆ, ಅದಕ್ಕೆ ಒಂದು ಮಿತಿ ಇರಬೇಕು. ಇದನ್ನು ತಿಳಿದೇ ಏನೋ, ಚುನಾಯಿತ ಸದಸ್ಯರ ಸಂಖ್ಯೆಗೆ ತಕ್ಕಂತೆ ನಿರ್ದಿಷ್ಟ ಸಂಖ್ಯೆಯ ಮಂತ್ರಿಗಳನ್ನು ಮಾತ್ರ ಮಾಡಬೇಕೆಂಬ ಕಾನೂನು ಕೆಲವು ವರ್ಷಗಳ ಹಿಂದೆ ಜಾರಿಗೆ ಬಂದಿತು. ಅದಿಲ್ಲದಿದ್ದರೆ, ಆಡಳಿತ ಸೂತ್ರ ಹಿಡಿಯುವ ಪಕ್ಷದ ಎಲ್ಲರನ್ನೂ ಮಂತ್ರಿಗಳನ್ನಾಗಿ ಸಾಕುವ ‘ಅದೃಷ್ಟ’ ನಮ್ಮದಾಗಿರುತ್ತಿತ್ತು!