ಕೆನರಾ ಬ್ಯಾಂಕಿನ ಬೆಂಗಳೂರು ಮಲ್ಲತ್ತಹಳ್ಳಿಯ ಶಾಖೆಗೆ ಇತ್ತೀಚೆಗೆ ಉತ್ತರ ಭಾರತದ ಹೆಣ್ಣು ಮಗಳನ್ನು ವ್ಯವಸ್ಥಾಪಕರನ್ನಾಗಿ ನಿಯೋಜಿಸಲಾಗಿದೆ. ಅವರಿಗೆ ನಮ್ಮ ಸ್ಥಳೀಯ ಭಾಷೆಯ ಜ್ಞಾನವೇ ಇಲ್ಲ. ಹೆಚ್ಚಿನ ಗ್ರಾಹಕರಿಗೆ ಸ್ಥಳೀಯ ಭಾಷೆ ಬಿಟ್ಟರೆ ಬೇರೆ ಭಾಷೆ ಬರುವುದಿಲ್ಲ.ಸಾಮಾನ್ಯ ಜನರು ಅವರ ಬಳಿ ಹೇಗೆ ಕಷ್ಟ ಹೇಳಿಕೊಳ್ಳುವುದು, ಮಾಹಿತಿ ಪಡೆಯುವುದು? ಸ್ಥಳೀಯ ಭಾಷೆ ಅರಿಯದ ಅವರು ಸ್ಥಳೀಯ ಜನರೊಂದಿಗೆ ವ್ಯವಹರಿಸುವುದಾದರೂ ಹೇಗೆ? ಕಡೇಪಕ್ಷ ಅವರು ಇಲ್ಲಿಯ ಭಾಷೆಯನ್ನಾದರೂ ಕಲಿಯಲಿ, ಇಲ್ಲವಾದರೆ ಸ್ಥಳೀಯ ಭಾಷೆ ಗೊತ್ತಿರುವವರು ವ್ಯವಸ್ಥಾಪಕರಾಗಿ ನೇಮಕಗೊಳ್ಳಲಿ.