ನೌಕರಿ ಕೊಡಿಸುವ ಆಮಿಷವೊಡ್ಡಿ ಒಬ್ಬ ಯುವತಿಯನ್ನು ಲೈಂಗಿಕವಾಗಿ ದುರ್ಬಳಕೆ ಮಾಡಿಕೊಂಡಿದ್ದಾರೆ ಎಂಬ ಆರೋಪದ ಹಿನ್ನೆಲೆಯಲ್ಲಿ ರಮೇಶ್ ಜಾರಕಿಹೊಳಿ ಅವರು ತಮ್ಮ ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡಿರುವುದು ನೈತಿಕವಾಗಿ ಸರಿ. ಸಿ.ಡಿ. ನಕಲಿಯೋ ಅಸಲಿಯೋ ಎನ್ನುವ ಸತ್ಯಾಸತ್ಯತೆ ತನಿಖೆಯಿಂದ ಹೊರಬರಲಿ. ಆದರೆ,ಮನುಷ್ಯನ ಸಹಜ ಲೈಂಗಿಕ ವಾಂಛೆಯನ್ನು ನಿಗೂಢವಾಗಿ ಚಿತ್ರೀಕರಿಸುವುದು, ಹಾದಿಬೀದಿಯಲ್ಲಿ ಆಬಾಲವೃದ್ಧರಾದಿಯಾಗಿ ಈ ಕುರಿತು ವಿಕೃತವೆಂಬಂತೆ ಚರ್ಚೆ, ಬಣ್ಣನೆ ಮಾಡುವುದು ಸಿ.ಡಿ. ಒಳಗಿನ ಚಿತ್ರಕ್ಕಿಂತಲೂ ಹೇಯವಾದುದು. ಇದು, ಜನ ಸಿಡಿಮಿಡಿಗೊಳ್ಳುವಷ್ಟು ಅಸಹ್ಯ ಭಾವನೆ ಸೃಷ್ಟಿಸಿದೆ. ಇಂತಹ ಅಪಸವ್ಯಗಳಿಗೆ ಕೊನೆಯಿಲ್ಲವೇ?