ಪತ್ನಿಯನ್ನು ಥಳಿಸಿದ ಐಪಿಎಸ್ ಅಧಿಕಾರಿಯು ಕರ್ತವ್ಯದಿಂದ ಬಿಡುಗಡೆ ಎಂಬ ಶೀರ್ಷಿಕೆ ಇರುವ ಸುದ್ದಿಯಲ್ಲಿ (ಪ್ರ.ವಾ., ಸೆ. 29) ಉಪಯೋಗಿಸಲಾಗಿರುವ ‘ಬಿಡುಗಡೆ’ ಎಂಬ ಶಬ್ದ ಏಕೋ ಸರಿಯಿಲ್ಲ ಎನಿಸುತ್ತದೆ. ಇಲ್ಲಿ ಈ ಶಬ್ದವು ಕರ್ತವ್ಯವೇ ಸಜೆ, ಶಿಕ್ಷೆ ಅಥವಾ ದಂಡ ಎಂಬ ಅರ್ಥ ಕೊಡುತ್ತದೆ.
ಕರ್ತವ್ಯದಿಂದ ತೆಗೆದು ಹಾಕಿರುವುದೇ ಸಜೆ, ದಂಡ ಅಥವಾ ಶಿಕ್ಷೆ ಆಗಿರುವಾಗ ಅದು ಬಿಡುಗಡೆ ಹೇಗಾಗುತ್ತದೆ? ಬಿಡುಗಡೆ ಎಂದರೆ ಈ ಆರೋಪಿಯನ್ನು ಪುರಸ್ಕರಿಸಿದಂತೆ ಆಗುತ್ತದೆ ಅಲ್ಲವೇ?