ಮುಖ್ಯಮಂತ್ರಿ ಎಂಬ ಅಧಿಕಾರದ ಫ್ಯೂಸ್ ತಮ್ಮ ಬಳಿ ಇದ್ದಾಗಲೂ, ಕಳೆದ ಲೋಕಸಭಾ ಚುನಾವಣೆಯಲ್ಲಿ ತಮ್ಮ ಪಕ್ಷದ ಅಭ್ಯರ್ಥಿಗಳಿಗೆ ಮತದಾರರು ‘ಸೋಲಿನ ಶಾಕ್’ ನೀಡಿದ್ದನ್ನು ಕುಮಾರಸ್ವಾಮಿ ಅವರು ಮರೆತಿರುವ ಹಾಗಿದೆ. ಅದರಲ್ಲೂ ಅವರ ತಂದೆ ಮತ್ತು ಮಗನಿಗೇ ಜನ ‘ಹೈವೋಲ್ಟೇಜ್ ಶಾಕ್’ ನೀಡಿದ್ದರಲ್ಲ! ಕೆಲವೊಮ್ಮೆ ಬಂದೆರಗುವ ಸಿಡಿಲಿನ ‘ಶಾಕ್’ಗೆ ಫ್ಯೂಸ್ ಇದ್ದರೂ ಅದು ವ್ಯರ್ಥ. ಇನ್ನಾದರೂ ಅವರು ಎಚ್ಚೆತ್ತುಕೊಳ್ಳಲಿ. ಈಗಾಗಲೇ ಅಪ್ಪ– ಮಕ್ಕಳ ಹಾಗೂ ಕುಟುಂಬದ ಪಕ್ಷ ಎಂಬ ಹೆಸರು ಪಡೆದಿರುವ ಪಕ್ಷಕ್ಕೆ ಕಾಯಕಲ್ಪ ನೀಡುವ ಮೂಲಕ, ಮುಂದೆ ಬರಬಹುದಾದ ‘ಶಾಕ್’ಗಳಿಂದ ತಪ್ಪಿಸಿಕೊಳ್ಳಲಿ. ಆ ಮೂಲಕ, ಕರ್ನಾಟಕದ ಪ್ರಾದೇಶಿಕ ಪಕ್ಷವನ್ನು ಉಳಿಸಲಿ.
