ಪಥ ಮರುನಾಮಕರಣ: ಒಂದು ಅಪಥ್ಯ ನಡೆ

ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷರು ಪಂಪ ಮಹಾಕವಿಯ ಹೆಸರಿನ ರಸ್ತೆಯ ಮರುನಾಮಕರಣಕ್ಕೆ ಮುಂದಾಗಿರುವ ಸುದ್ದಿ ತಿಳಿದು ಆಘಾತವಾಯಿತು. ಕನ್ನಡ ಸಾಹಿತ್ಯ ಪರಿಷತ್ತಿಗೆ ಕರ್ನಾಟಕದ ಎಲ್ಲ ರಸ್ತೆಗಳೂ ತೆರೆದುಕೊಂಡಿವೆ ಎಂಬ ವಾಸ್ತವವನ್ನು, ಸತ್ಯವನ್ನು ಇವರು ಮನಗಂಡಂತಿಲ್ಲ. ಏಕೆಂದರೆ ಇವರು ಚುನಾಯಿತರು! ಕನ್ನಡಕ್ಕಾಗಿ ಮಾಡಲು ಅನೇಕ ಕೆಲಸಗಳಿವೆ. ಇತ್ತೀಚೆಗೆ ಬ್ಯಾಂಕ್ ವ್ಯವಹಾರ ಕುರಿತ ನ್ಯಾಯಾಲಯದ ತೀರ್ಪನ್ನು ಆಧಾರವಾಗಿಸಿಕೊಂಡು ಕಸಾಪ ಅಧ್ಯಕ್ಷರು ಬೆಂಗಳೂರಿನಲ್ಲಿ ಕನ್ನಡಕ್ಕೆ ಕಂಟಕವಾಗಿರುವ ಬಾಧಕಗಳ ನಿವಾರಣೆಗೆ ಮುಂದಾಗಬೇಕಿತ್ತು. ರಾಜಧಾನಿಯ ಕೆಲವು ಶಾಲೆಗಳಲ್ಲಿ ಕನ್ನಡ ಮಾತನಾಡಿದರೆ ದಂಡ ವಿಧಿಸುತ್ತಿದ್ದಾರೆ. ಅಲ್ಲಿ ಹೋಗಿ ಕನ್ನಡದ ಕಹಳೆಗೆ ಮುಂದಾಗಬೇಕಿತ್ತು.