‘ಕುವೆಂಪು ಸಮಗ್ರ ಬರಹ: ಕೈಗೆಟುಕುವಂತಿರಲಿ’ ಎಂಬ ಪತ್ರಕ್ಕೆ (ವಾ.ವಾ., ಜುಲೈ 11) ಪ್ರತಿಕ್ರಿಯೆ. ಕುವೆಂಪು ಪ್ರತಿಷ್ಠಾನವು 10 ವರ್ಷಗಳಿಂದ ಕುವೆಂಪು ಸಮಗ್ರ ಸಾಹಿತ್ಯದ ಹತ್ತು ಸಾವಿರ ಪುಟಗಳ 11 ಸಂಪುಟಗಳನ್ನು ಮಾರಾಟ ಮಾಡುತ್ತಿದೆ. 2013ರ ಮೊದಲನೇ ಮುದ್ರಣದಲ್ಲಿ ₹ 4,400 ಮುಖಬೆಲೆ ನಿಗದಿಪಡಿಸಿ, ಕವಿಮನೆ ಕುಪ್ಪಳಿಯಲ್ಲಿ ₹ 3,500ಕ್ಕೆ ಮಾರಾಟ ಮಾಡಲಾಗಿದೆ. 2017ರ ಎರಡನೇ ಮುದ್ರಣವನ್ನು ₹ 5,800 ಮುಖಬೆಲೆಗೆ ಮುದ್ರಿಸಿ ಕವಿಮನೆಯಲ್ಲಿ ₹ 4,000ಕ್ಕೆ, ಲಾಭಾಂಶವೇ ಇಲ್ಲದೆ ಮಾರಾಟ ಮಾಡುತ್ತಿದ್ದೇವೆ. ಕೆಲವೇ ಪ್ರತಿಗಳು ಉಳಿದಿದ್ದು, ಕೊರಿಯರ್ ವೆಚ್ಚ ಸೇರಿಸಿ ಪಾವತಿಸಿದರೆ, ಈಗಲೂ ಮನೆಮನೆಗೆ ತಲುಪಿಸುವ ವ್ಯವಸ್ಥೆ ಇದೆ.