ಭಾಷೆ, ಸಂಸ್ಕೃತಿ: ದಿಟ್ಟ ಹೆಜ್ಜೆ ಇಡಬೇಕು

ಭಾರತ ಸರ್ಕಾರದ ಸೇವೆಗಳು ಆಯಾ ರಾಜ್ಯ ಭಾಷೆಗಳಲ್ಲಿ ಸಿಗಬೇಕು, ಒಕ್ಕೂಟ ಸರ್ಕಾರ ನಡೆಸುವ ಕೇಂದ್ರೀಯ ನೇಮಕಾತಿಯ ಎಲ್ಲಾ ಪರೀಕ್ಷೆಗಳಲ್ಲಿ ಪ್ರಾದೇಶಿಕ ಭಾಷೆಗಳಿಗೆ ಅವಕಾಶ ಇರಬೇಕು. ಎಲ್ಲಾ ಬಗೆಯ ಉನ್ನತ ಶಿಕ್ಷಣವು ಆಯಾ ರಾಜ್ಯ ಭಾಷೆಗಳಲ್ಲಿ ಸಾಕಾರ ಆಗಬೇಕು. ಈ ದಿಸೆಯಲ್ಲಿ ದತ್ತಾತ್ರೇಯ ಹೊಸಬಾಳೆ ಅವರು ಗಂಭೀರ ಪ್ರಯತ್ನ ಮಾಡಬೇಕಿದೆ. ಕೇಂದ್ರದಲ್ಲಿನ ಈಗಿನ ಸರ್ಕಾರದ ಮೇಲೆ ಈ ದಿಸೆಯಲ್ಲಿ ಅವರು ಪ್ರಭಾವ ಬೀರಬೇಕು. ಭಾರತೀಯ ಸಂಸ್ಕೃತಿಯ ಚೆಲುವು ಇರುವುದೇ ಭಾರತೀಯ ಭಾಷೆಗಳಲ್ಲಿ. ಭಾಷೆ, ಸಂಸ್ಕೃತಿ ಎಂದು ಬರೀ ಭಾವನಾತ್ಮಕವಾಗಿ ಮಾತನಾಡಿದರೆ ಸಾಲದು. ಬದಲಾಗಿ ದಿಟ್ಟ ಹೆಜ್ಜೆಗಳನ್ನು ಇಡಬೇಕು. ಭಾಷೆಗಳ ಅಳಿವು ಎಂದರೆ ಭಾರತದ ಅಳಿವು ಎಂದೇ ಅರ್ಥ.

- ಗಿರೀಶ್ ಮತ್ತೇರ,ಹನುಮಂತ ದೇವರ ಕಣಿವೆ, ಹೊಳಲ್ಕೆರೆ