ಕೇಂದ್ರ ಸಚಿವ ಅನಂತಕುಮಾರ್‌ರಂಥ ನಾಯಕರನ್ನು ನಮ್ಮಿಂದ (ಕುಟುಂಬಸ್ಥರಿಂದ) ದೂರ ಮಾಡಿದ ಕ್ಯಾನ್ಸರ್ ಬಗ್ಗೆ ಸಂಶೋಧನೆಗಳಾಗಬೇಕು. ಚಿಕಿತ್ಸೆ, ಪರೀಕ್ಷೆ... ಈ ಎಲ್ಲ ಪ್ರಕ್ರಿಯೆ ಸರಳವಾಗಬೇಕು. ಬಡಬಗ್ಗರಿಗೂ ಉತ್ತಮ ಚಿಕಿತ್ಸೆ ಸಿಗುವಂತಾಗಲು ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು– ರಾಜಕೀಯವನ್ನು ದೂರವಿಟ್ಟು– ಸಮನ್ವಯದಿಂದ ಕೆಲಸ ಮಾಡಬೇಕು. ಅನಂತಕುಮಾರ್ ಅವರ ಅಕಾಲಿಕ ನಿಧನದಿಂದ, ಒಂದು ಹೋರಾಟ ಸೋತಂತಾಗಿದೆ. ಅದೆಷ್ಟೋ ರೋಗಿಗಳು ಇಂದಿಗೂ ರೋಗವನ್ನು ಹಿಮ್ಮೆಟ್ಟಿಸುವ ಅಶಾಭಾವದಿಂದ ಕಣ್ಣರಳಿಸಿ ಕಾಯುತ್ತಿದ್ದಾರೆ.
