ದಾವಣಗೆರೆಯಲ್ಲಿ ಪ್ರಯೋಗಾಲಯದ ತಪ್ಪಿನಿಂದ ‘ಕೊರೊನಾ ಪಾಸಿಟಿವ್’ ಎಂದು ಗುರುತಿಸಲಾಗಿದ್ದ ಮಹಿಳೆಗೆ ನೆಗೆಟಿವ್ ಎಂದು ಸಾಬೀತಾಗುವ ಹೊತ್ತಿಗೆ, ತಾಯಿಯಿಂದ ಬೇರ್ಪಡಿಸಿ ಇರಿಸಿದ್ದ ಆಕೆಯ ನವಜಾತ ಶಿಶು ಮೃತಪಟ್ಟಿದೆ (ಪ್ರ.ವಾ., ಜೂನ್ 25). ಕೊರೊನಾ ಸೋಂಕು ಹರಡುವಿಕೆ ಆರಂಭವಾದಾಗಿನಿಂದ ಇಲ್ಲಿಯವರೆಗೂ ಪ್ರಯೋಗಾಲಯದ ಒಂದಲ್ಲ ಒಂದು ಎಡವಟ್ಟಿನಿಂದ ಇಂತಹ ಅಚಾತುರ್ಯಗಳು ನಡೆಯುತ್ತಲೇ ಇವೆ. ಗರ್ಭಿಣಿಯರು, ವಯೋವೃದ್ಧರು, ದುರ್ಬಲ ಹೃದಯದವರು ತಮ್ಮದಲ್ಲದ ತಪ್ಪಿಗೆ ಇಂತಹ ಆಘಾತಕಾರಿ ವಿಷಯವನ್ನು ಹೇಗೆ ತಾನೇ ಅರಗಿಸಿಕೊಳ್ಳಲು ಸಾಧ್ಯ?
