ರಾಜ್ಯದ ಹಲವಾರು ಕಡೆ ಪ್ರಧಾನಮಂತ್ರಿ ಜನೌಷಧ ಮಳಿಗೆಗಳು ಸೇವೆ ನೀಡುತ್ತಿವೆ. ಇಂಥ ಕೆಲವು ಮಳಿಗೆಗಳಲ್ಲಿ ಬೇರೆ ಔಷಧಗಳು ಮತ್ತು ಔಷಧಗಳಿಗೆ ಹೊರತಾದ ವಸ್ತುಗಳನ್ನೂ ಮಾರಾಟ ಮಾಡಲಾಗುತ್ತಿದೆ.
ಈ ಕುರಿತು ಯಾರಿಗೆ ದೂರು ನೀಡಬೇಕೆಂಬ ಮಾಹಿತಿ ಮಳಿಗೆಯಲ್ಲಿ ಲಭ್ಯವಿರುವುದಿಲ್ಲ. ಸಂಬಂಧಪಟ್ಟ ಇಲಾಖೆ ಅಧಿಕಾರಿಗಳು ಪ್ರತಿ ಮಳಿಗೆಯಲ್ಲೂ ಸೇವಾನ್ಯೂನತೆಯ ಕುರಿತು ದೂರು ನೀಡಲು ಸಂಪರ್ಕಿಸಬೇಕಾದ ವಿಳಾಸ ಮತ್ತು ದೂರವಾಣಿ ಸಂಖ್ಯೆಯನ್ನು ಪ್ರದರ್ಶಿಸಲು ವ್ಯವಸ್ಥೆ ಮಾಡಬೇಕು.