ಮುಖ್ಯಮಂತ್ರಿಯಲ್ಲದೆ ಯಾರನ್ನು ಕೇಳೋಣ?

ಯಾರು ಮುಖ್ಯಮಂತ್ರಿ ಸ್ಥಾನದಲ್ಲಿ ಇರುತ್ತಾರೋ ಅವರನ್ನೇ ಜನರು ತಮ್ಮ ಸಮಸ್ಯೆಗಳ ಪರಿಹಾರಕ್ಕಾಗಿ ಒತ್ತಾಯಿಸುವುದು ಪ್ರಜಾ ರಾಜ್ಯದಲ್ಲಿ ಸರಿಯಾದ ಮಾರ್ಗ. ಇಲ್ಲಿ ರಾಜಕೀಯ ಪಕ್ಷಗಳ ಪ್ರಸ್ತಾಪ‍ ಅಪ್ರಸ್ತುತ.

ಆಡಳಿತಾರೂಢ ಪಕ್ಷಕ್ಕೆ ಮತ ಹಾಕದ ಮತದಾರನಿಗೂ ಸರ್ಕಾರವನ್ನು ಪ್ರಶ್ನಿಸುವ ಹಕ್ಕಿದೆ. ಈ ಸರಳ ವಿಚಾರ ನಮ್ಮ ಮುಖ್ಯಮಂತ್ರಿಗೆ ಏಕೆ ಅರ್ಥವಾಗುವುದಿಲ್ಲ? ಅವರ ಮನಸ್ಸು ಅಷ್ಟೊಂದು ಸಂಕುಚಿತವಾಯಿತೇ?

ಉತ್ತರ ಕರ್ನಾಟಕ ಭಾಗದ ಜನರ ಸಮಸ್ಯೆಗಳು ಮುನ್ನೆಲೆಗೆ ಬಂದಾಗಲೆಲ್ಲ ಪದೇ ಪದೇ ಮುಖ್ಯಮಂತ್ರಿ ಇದೇ ಪ್ರಶ್ನೆ ಕೇಳುತ್ತಾರೆ. ಇದು ಪ‍್ರಜಾರಾಜ್ಯದಲ್ಲಿ ಆರೋಗ್ಯಕರಬೆಳವಣಿಗೆಯಲ್ಲ.