ಗೋವಾ ಚಲನಚಿತ್ರ ಉತ್ಸವದ ಸಮಾರೋಪ ಸಮಾರಂಭದಲ್ಲಿ ಕೊಟ್ಟ ಅಧಿಕೃತ ಅಂಕಿಅಂಶಗಳ ಪ್ರಕಾರ 12,000 ಪ್ರತಿನಿಧಿಗಳ ಪೈಕಿ 10,200 ಜನ ಕಾರ್ಡ್ ಪಡೆದರು. ಪ್ರತಿದಿನ ಸರಾಸರಿ ಮೂರಕ್ಕೂ ಹೆಚ್ಚು ಚಿತ್ರ ನೋಡಿದವರು 1,065 ಮಾತ್ರ. ಸೀಟು ಭರ್ತಿ ಪ್ರಮಾಣ 75%. ಉದ್ಘಾಟನಾ ಸಮಾರಂಭಕ್ಕೆ ಮುಕ್ಕಾಲು ಗಂಟೆ ಹಿಡಿದರೆ, ಸಮಾರೋಪ ಅದಕ್ಕೂ ಹೆಚ್ಚು (ಸುಮಾರು 3 ತಾಸು)! ಕೇಂದ್ರ ಸಚಿವರ ಸಲಹೆಯಂತೆ ‘ಏಕ್ ಭಾರತ್ ಶ್ರೇಷ್ಠ್ ಭಾರತ್’ ಥೀಮ್‌, ನೃತ್ಯ–ಸಂಗೀತಗಳಲ್ಲಿ ಸ್ಥಾನ ಪಡೆಯಿತು. ಗವರ್ನರ್ ಕಾಶ್ಮೀರದ ಗುಂಗಲ್ಲೇ ಇದ್ದೇನೆ ಎಂದು ಅಪ್ರಾಸಂಗಿಕ ಮಾತುಗಳನ್ನಾಡಿದರು.
