ಆದರೆ, ಉದ್ಯಮ ಪರಿಣತರ ತಿಳಿವಿಗೆ ಆಳವಿರುತ್ತದೆ, ಅಗಲ ಇರುವುದಿಲ್ಲ ಎನ್ನುವ ಶೈಕ್ಷಣಿಕ ವಲಯದ ವಾದ ಒಪ್ಪುವಂಥದ್ದಲ್ಲ. ಕೈಗಾರಿಕೆಗಳಲ್ಲಿ ಸಂಶೋಧನೆ ಮತ್ತು ಅಭಿವೃದ್ಧಿ ವಿಭಾಗದಲ್ಲಿ ಹತ್ತಾರು ವರ್ಷಗಳ ಕಾಲ ತೊಡಗಿಸಿಕೊಂಡವರಿಗೆ ಬೋಧನೆಯ ಹಂಬಲವೂ ಇದ್ದರೆ ಜ್ಞಾನದ ಅಗಲ ಅನಾಯಾಸವಾಗಿ ಒದಗುತ್ತದೆ. ಉದ್ಯಮ ಕ್ಷೇತ್ರದ ಸಂಶೋಧನೆ ವಿಭಾಗದಲ್ಲಿ ಇಂತಿಷ್ಟು ವರ್ಷಗಳ ಕಾಲ ತೊಡಗಿಸಿಕೊಂಡ ಅಭ್ಯರ್ಥಿಗಳಿಗೆವಿಶ್ವವಿದ್ಯಾಲಯಗಳಲ್ಲಿ ಪ್ರಾಧ್ಯಾಪಕ ಹುದ್ದೆ ನೇಮಕಾತಿಯಲ್ಲಿ ಆದ್ಯತೆ ಕೊಡುವುದರ ಬಗ್ಗೆ ಸರ್ಕಾರ ಚಿಂತನೆ ನಡೆಸಲಿ.