ವಾಚಕರ ವಾಣಿ: ರಾಜ್ಯೋತ್ಸವ ಪ್ರಶಸ್ತಿ: ವಿವರ ಪ್ರಕಟಿಸಿ

ಈ ಮಾತುಗಳನ್ನು ಆಲಿಸಿದ ಸ್ವಾಭಿಮಾನಿ ಸಾಧಕರಿಗೆ ಅತ್ಯಂತ ಸಂತೋಷ ಆಗಿರುವುದರಲ್ಲಿ ಸಂದೇಹವಿಲ್ಲ. ಅರ್ಜಿ ಸಲ್ಲಿಕೆ, ವಶೀಲಿಬಾಜಿ ಮುಂತಾದವುಗಳಿಗೆ ಒಗ್ಗದ ಸಜ್ಜನ ಸ್ವಾಭಿಮಾನಿ ಸಾಧಕರು ಇನ್ನೂ ಮರೆಯಲ್ಲೇ ಇದ್ದಾರೆ. ಸರ್ಕಾರದ ಈ ನಡೆ ಸ್ವಾಗತಾರ್ಹ. ಆಯ್ಕೆ ಪಾರದರ್ಶಕವಾಗಿದ್ದರೆ ಮಾತ್ರ ಇದು ಸೂಕ್ತ. ಪ್ರಶಸ್ತಿ ಪುರಸ್ಕೃತರ ಸಾಧನೆಗಳನ್ನೂ, ಅವರನ್ನು ಹೇಗೆ ಮತ್ತು ಯಾವ ಕಾರಣಕ್ಕಾಗಿ ಗುರುತಿಸಲಾಯಿತು ಎಂಬ ಎಲ್ಲ ವಿವರಗಳನ್ನೂ ಇಲಾಖೆಯ ವೆಬ್‌ಸೈಟಿನಲ್ಲಿ ಪ್ರಕಟಿಸಿದರೆ ಪಾರದರ್ಶಕತೆ ಸಾಧ್ಯ. ಇಲ್ಲವಾದಲ್ಲಿ ವಶೀಲಿ ಮತ್ತು ಒತ್ತಡ ಹಾಕುವವರಿಗೆ ಪ್ರಶಸ್ತಿ ದಕ್ಕುವ ಸಾಧ್ಯತೆ ಇದೆ.

ಪತ್ತಂಗಿ ಎಸ್. ಮುರಳಿ,ಬೆಂಗಳೂರು