ವಾಚಕರ ವಾಣಿ: ಪ್ರಜ್ಞಾವಂತರ ಗಮನಕ್ಕೆ ಬಾರದೇ?

ಕರ್ನಾಟಕದಲ್ಲಿ ಅತ್ಯಗತ್ಯವಾಗಿರುವ ಪ್ರಬಲ ಪ್ರಾದೇಶಿಕ ಪಕ್ಷವಾಗಿ ಮೂಡಿಬರುವ ಎಲ್ಲ ಅವಕಾಶಗಳು ಲಭ್ಯವಾಗಿದ್ದರೂ ಸ್ವಯಂಕೃತ ಅಪರಾಧಗಳಿಂದ ಜೆಡಿಎಸ್ ಪಕ್ಷವು ನಿರಂತರವಾಗಿ ಅದನ್ನು ಹಾಳುಮಾಡಿಕೊಳ್ಳುತ್ತಲೇ ಬಂದಿದೆ. ತಮ್ಮ ಕುಟುಂಬದವರಿಗೇ ಎಲ್ಲ ಸ್ಥಾನಗಳೂ ಲಭಿಸಬೇಕು ಎಂಬ ಸ್ವಾರ್ಥ ಆಲೋಚನೆಯಿಂದ ಆದಷ್ಟು ಬೇಗ ಹೊರಬರುವುದು ಅತ್ಯಗತ್ಯ. ಅಧಿಕಾರ ದೊರೆಯುವುದಾದರೆ ಯಾವ ಪಕ್ಷದೊಂದಿಗಾದರೂ ತ್ವರಿತ ಹೊಂದಾಣಿಕೆ ಮಾಡಿಕೊಂಡು ಅಷ್ಟೇ ಶೀಘ್ರವಾಗಿ ಹೊರಬಂದು ವರ್ಷಾನುಗಟ್ಟಲೆ ವೈರಿ ಎಂಬಂತೆ ಹಾದಿ ಬೀದಿಯಲ್ಲಿ ರಂಪಾಟ ಮಾಡುವುದು ಎಲ್ಲರೂ ಅಪಹಾಸ್ಯ ಮಾಡುವಂತಿದೆ.