ಕೆಲವೆಡೆ ಮಳೆಯು ಬೆಳೆ ಇಲ್ಲದ ಸಮಯದಲ್ಲಿ ಬಿದ್ದು ನಷ್ಟವಾಗುತ್ತದೆ, ಹರಿದು ಹೋಗಿ ನಷ್ಟವಾಗುತ್ತದೆ ಹಾಗೂ ಆವಿಯಾಗಿ ನಷ್ಟವಾಗುತ್ತದೆ. ಅದು ಬಿಟ್ಟರೆ ಉಳಿಯುವ ಸ್ವಲ್ಪವೇ ಮಳೆ ನೀರಿನಿಂದ ಬೆಳೆ ಉತ್ಪಾದನೆ ಕುಂಠಿತವಾಗುತ್ತದೆ. ವಾರ್ಷಿಕ ಬೆಳೆಗಳಾದ ರಾಗಿ, ಜೋಳ, ನೆಲಗಡಲೆಯು ಮಳೆ ಜ್ಞಾನ ಇಲ್ಲದೆ ನಾಶವಾಗುತ್ತವೆ. ಆದರೆ ಮರಗಳಾದ ಮಾವು, ನೇರಳೆ, ಹಲಸು, ಹುಣಸೆ ಮಳೆ ನಿಖರತೆ ಇಲ್ಲದೆ ಇದ್ದರೂ ನಾಶವಾಗದೆ ರೈತರನ್ನು ಕಾಪಾಡುತ್ತವೆ. ಮನೆ ಮೇಲೆ ಬಿದ್ದ ಮಳೆ ನೀರು ಮನೆಯಲ್ಲಿ, ಹೊಲದ ನೀರು ಹೊಲದಲ್ಲಿ, ಹಳ್ಳಿ ನೀರನ್ನು ಹಳ್ಳಿಯಲ್ಲಿ ಸಂಗ್ರಹಿಸಿ, ಸಂರಕ್ಷಿಸಿ ಜಾಣ್ಮೆಯಿಂದ ಬಳಸುವುದರಿಂದ ಮಳೆ ಜ್ಞಾನದ ಶೂನ್ಯತೆ ಹೋಗಲಾಡಿಸಬಹುದು.
