ಅವಿವಾಹಿತೆಯರೂ ಸೇರಿದಂತೆ ಎಲ್ಲ ಮಹಿಳೆಯರೂ ಭ್ರೂಣಕ್ಕೆ 24 ವಾರ ತುಂಬುವವರೆಗೆ ಸುರಕ್ಷಿತವಾಗಿ ಗರ್ಭಪಾತ ಮಾಡಿಸಿಕೊಳ್ಳುವ ಹಕ್ಕು ಹೊಂದಿದ್ದಾರೆ ಎಂಬ ಸುಪ್ರೀಂ ಕೋರ್ಟ್‌ ತೀರ್ಪು (ಪ್ರ.ವಾ., ಸೆ. 30) ಸ್ವಾಗತಾರ್ಹ. ಹಳ್ಳಿಗರು ಹಾಗೂ ಬುಡಕಟ್ಟು ಜನರಲ್ಲಿ ಅನಕ್ಷರತೆ ಇರುವುದರಿಂದ ಇಂತಹ ತೀರ್ಪುಗಳು ಅವರನ್ನು ತಲುಪುವುದು ತೀರಾ ಕಡಿಮೆ. ಅದಕ್ಕಾಗಿ, ಗ್ರಾಮೀಣ ಪ್ರದೇಶಗಳ ಎಲ್ಲ ಸರ್ಕಾರಿ ಹಾಗೂ ಖಾಸಗಿ ಆಸ್ಪತ್ರೆಗಳಲ್ಲಿ ಇಂತಹ ಪ್ರಮುಖ ತೀರ್ಪುಗಳ ಕುರಿತು ಜಾಹೀರಾತುಗಳನ್ನು ಬಿತ್ತರಿಸಬೇಕು. ಇದರಿಂದ ಅವು ಹೆಚ್ಚಿನ ಸಂಖ್ಯೆಯಲ್ಲಿ ಮಹಿಳೆಯರನ್ನು ತಲುಪಲು ಅನುಕೂಲವಾಗುತ್ತದೆ.⇒
