ಬಿಜೆಪಿಯಲ್ಲಿ ಚುನಾವಣೆಗೆ ಸ್ಪರ್ಧಿಸಲು ಟಿಕೆಟ್ ಬೇಕಿದ್ದರೆ ಅಥವಾ ಪಕ್ಷದಲ್ಲಿ ಯಾವುದಾದರೂ ಹುದ್ದೆ ಬೇಕಿದ್ದರೆ ಅಂತಹವರು ಕನಿಷ್ಠ ಎರಡು ವರ್ಷಗಳಾದರೂ ಪಕ್ಷದ ಕಾರ್ಯಾಲಯದಲ್ಲಿ ಕಸ ಹೊಡೆಯಬೇಕು ಎಂದು, ಆ ಪಕ್ಷದ ಧುರೀಣರೊಬ್ಬರು ಇತ್ತೀಚೆಗೆ ಹೇಳಿಕೆ ಕೊಟ್ಟಿದ್ದರು.
ಹಾಗಿದ್ದರೆ, ಬಾಲಿವುಡ್ ನಟ ಸನ್ನಿ ಡಿಯೋಲ್ ಬಿಜೆಪಿ ಸೇರಿ, ಸದಸ್ಯತ್ವದ ನಮೂನೆಯ ಮೇಲಿನ ಅವರ ಸಹಿ ಒಣಗುವ ಮೊದಲೇ ಅವರಿಗೆ ಪಂಜಾಬ್ನ ಗುರುದಾಸಪುರ ಕ್ಷೇತ್ರದಿಂದ ಲೋಕಸಭೆಗೆ ಸ್ಪರ್ಧಿಸಲು ಟಿಕೆಟ್ ದೊರಕಿದ್ದು ಹೇಗೆ?
ಅವರು ಎಷ್ಟು ವರ್ಷ ಬಿಜೆಪಿ ಕಚೇರಿಯಲ್ಲಿ ಕಸ ಹೊಡೆದಿದ್ದರು? ಬಿಜೆಪಿಯಲ್ಲಿಯೂ ಕೆಲವರಿಗೆ, ಮುಖ್ಯವಾಗಿ ಬಾಲಿವುಡ್ ತಾರೆಯರಿಗೆ ಮತ್ತು ಕ್ರಿಕೆಟ್ ಆಟಗಾರರಿಗೆ ‘ಮೀಸಲಾತಿ’ ನೀಡುತ್ತಿರುವುದು ವಿಷಾದನೀಯ. -ರಮಾನಂದ ಶರ್ಮಾ,ಬೆಂಗಳೂರು