ವಾಚಕರ ವಾಣಿ: ಮಲೆನಾಡು ಆಗದಿರಲಿ ಬರನಾಡು

ಈಗ ಶಿವಮೊಗ್ಗದಂತಹ ಮಲೆನಾಡಿನಲ್ಲಿ ಅವೈಜ್ಞಾನಿಕವಾಗಿ ಬಗರ್‌ಹುಕುಂ ಸಾಗುವಳಿಗೆ ಅವಕಾಶ ಮಾಡಿರುವುದು ಕಾಡಿನ ಒತ್ತುವರಿಗೆ ಪೋತ್ಸಾಹಿಸಿದಂತೆ. ರಸ್ತೆಯ ಇಕ್ಕೆಲಗಳಲ್ಲಿ ದೊಡ್ಡ ದೊಡ್ಡ ಮರಗಳು, ಒಳಹೊಕ್ಕರೆ ಬರೀ ಕೃಷಿ ಭೂಮಿ. ಇದನ್ನು ನೋಡಿದರೆ ತುಂಬಾ ನೋವಾಗುತ್ತದೆ. ಮಲೆನಾಡು ಹೋಗಿ ಬರನಾಡು ಆಗುವುದೇ ಎಂಬ ಆತಂಕ ಮೂಡುತ್ತದೆ. ಹೀಗಾಗದಂತೆ ತಡೆಯಲು ಸೂಕ್ತ ಕಾನೂನು ರೂಪಿಸಬೇಕಿದೆ. ಎಲ್ಲಾ ಸರ್ಕಾರಿ ಜಮೀನುಗಳಲ್ಲಿ ಸ್ಥಳೀಯ ವಾತಾವರಣಕ್ಕೆ ಅನುಕೂಲಕರವಾದ ಮರ- ಗಿಡಗಳನ್ನು ಬೆಳೆಸಬೇಕು. ಅತಿಕ್ರಮಣ ಮಾಡಲು ಅವಕಾಶ ಇರದಂತೆ ನೋಡಿಕೊಂಡು ಪರಿಸರ ಉಳಿಸಬೇಕು.

ಪ್ರತಿಭಾ, ಶಿವಮೊಗ್ಗ